Longa ni Kijimbuete Kietu mu Ukunji​—“Perguntas Biblicas Respondidas”

Mu jw.org tu sanga-mu mbandu iambe “Ensinos Bíblicos,” mu mbandu ia mukuá tu sanga-mu “Perguntas Bíblicas Respondidas.” Se tuijiia kiambote o ibhuidisu iene mu bhanga o athu, tu tena kulondekesa ku mukua dibhata o Kijimbuete kietu, phala ku tambuijila ni Bibidia. Tu tena ku bhanga ibhuidisu mu ukunji, phala ku zuela ni athu. Tu tena ku sota o ibhuidisu iene mu bhanga dingi o athu mu ukunji uetu, kuibhudisa ku mukua dibhata se ihi ia banza ni kulondekesa ihi i longa o Bibidia, mu ku tokuesa o kijimbuete kia jw.org. Mu suka-ku, tu tena ku jimbulula mba kulondekesa kuebhi ku tua katula o milongi. Tu tena ué ku mu bhinga ku sota o kitambuijilu, mu ku tokuesa o Kijimbuete kietu. Saí muhatu ua kafunga ka ilunga, ua ditundu kiambote mu ku bhanga o kibhuidisu: “Saí athu ene mu dibhuidisa ‘O kuila Nzambi uala ni kikuma kia jiphaxi jetu?’ Ua mesena kuijiia o kitambuijilu mu 51 a ithangana?” Muéne u xika o vidiu mu mutelembe uê ua kafuetele, phala ku tambuijila o kibhuidisu. Mu suka-ku, ulondekesa o divulu Bibidia i Longa mu kibatulu kia 11.