O Site a i Bhange Phala ku Kuatekesa o Jimbangi ja Jihova ni Athu Oso

Jezú ua tu tumu ku boka o njimbu iambote ia Utuminu “mu ngongo ioso, mu kubhana umbangi ku akua jixi joso.” (Mat. 24:14) Phala ku tu kuatekesa ‘mu ukunji uetu’ o kijimbuete watchtower.org, jw-media.org, ni jw.org, site imoxi kia ngó jw.org.—2 Tim. 4:5.

“Mu Ngongo Ioso”: Athu avulu mu ngongo ala ni internete, ki kale o adiakimi, bhenge-bhenge o minzangala a uabhela kuzuela bhu kaxi ka internete. O site ietu itambuijila o ibhuidisu ia Bibidia ia bhanga o athu ala ni internete. Ilondekesa se a nanhi o Jimbangi ja Jihova, i kuatekesa o athu ku bhinga ku di longa o Bibidia se ku futa. O site íii, ia-nda kuatekesa ku boka o njimbu iambote mu ngongo ioso, né muene ku maxokololo ku bhonza o athu kuívua o njimbu ia Utuminu.

“Ku Akua Jixi Joso”: Phala ku bhana umbangi ku “akua jixi joso,” tua tokala ku tula njimbu ia Bibidia ku athu akua madimi oso. O athu a bokona mu jw.org, a tena ku sanga milongi mu 400 ja madimi, o ji Site ja mukua ndenge.

Katula Mbote mu Site Íii: O jw.org Web site, ki phala ngó o athu ki Jimbangi ja Jihova. Maji a i bhange ué phala o Jimbangi ja Jihova. Se uala ni mutelembe ua Internete, tua ku tendelesa phala ku sota o site jw.org. Kaiela o itendelesu phala u katule mbote.

[Diagrama ku mbandu 3]

(Phala ku mona o milongi, tala o divulu)

Fikisa Kiki

1 Sota o site www.jw.org, sota o kijimbuete kia mutelembe ua internete mu komputadolo iê.

2 Jikula o Site mu ku bhueta mu menu, ni mu link.

3 Sota o site jw.org, mu komputadolo iê, ni ji makina ja mukuá jala ni Internete. Ua-nda mona njanena, maji o itendelesu iene imoxi.