WENDELU WA UKIDISTÁ

Sanga Unjimu wa Kizuwa ni Kizuwa mu JW.ORG

O Maka a Nzambi itubhana ima yavulu itwabhindamena phala kudibhana ni ibhidi yabhonzo ya izuwa yiyi yasukidilaku. (2Ti 3:1, 16, 17) Kumbandu yakamukwa, etu nange twandabhindamena kikwatekesu phala kusanga itendelesu ya Bibidya phala ku ikumbidila mu maka utwamudibhanawu. Mukifika, o kwila eye u tata usota itendelesu phala kusasa kyambote o twana twê? O kwila eye u munzangala amulola o kixikanu kyê? O kwila eye u mutudi wamutala hadi mukonda dya kufunda kazola ké? Eye wandasanga milongi mu jw.org yandakukwatekesa kusanga itendelesu ya Bibidya yandakukwatekesa mu maka yá, ni maka engi.—Ji 2:3-6.

O sayite yetu jw.org mu tablete. Yamulondekesa o mbandu ya MILONGI YA BIBIDYA.

Mu jw.org bweta kubandu MILONGI YA BIBIDYA. (Tala o foto 1.) Eye utena kusola, ni kubweta ku mbandu iwamesena. Mba bweta kumbandu KIDIDI KYAMADIVULU > MBANDU YANDUMBA YA IMA ni kusola o mbandu iwamesena. (Tala foto 2.) Eye utena kusanga o jimbandu jiji mu JW Library^®.a Eye wandasanguluka mu kusanga milongi mu jimbandu joso jiji. O ndunge yengi o kwijiya o milongi iwamesena ni kukalakala ni mbandu ya kutokwesa yala mu jw.org.

O sayite yetu jw.org mu tablete. Yamulondekesa o mbandu ya KIDIDI KYAMADIVULU ni MBANDU YANDUMBA YA IMA.

Soneka o milongi mu mbandu ya kutokwesa, anga usola o milongi iwamesena kutanga.

Kusasa Twana
Kukala ni kikote ku muxima mu unzangala
O kufunda kazola

a Sayi jimbandu jakamukwa ja milongi jimoneka ngó mu jw.org.