Longa ni Kijimbuete kia jw.org, mu Ukunji Uê

O kijimbuete kietu falamenda iambote, phala ku tu kuatekesa ku sanzumuna o njimbu iambote “katé ni ku maxokololo [a] jixi.” (Ika. 1:8) Athu avulu kene mu tena ku sanga o kijimbuete kia jw.org ubheka uâ. Maji, a tena ku ki sanga kioso o muboki kia a kuatekesa.

Saí kafunga ka ilunga ua katula o vidiu, Mukonda Diahi Tua Tokala ku di Longa o Bibidia? mu mutelembe ué ua kafuetele ua ilondekesa kioso kia moneka o kithangana. Mu kifika, mu ku boka nzo ni inzo muéne u zuela: “Nga mu kunda o athu phala ku a kuatekesa ku sanga o itambuijilu ia ibhuidisu itatu ia beta-kota ku muenhu: Mukonda diahi o ixi iezala ni jiphaxi? Kiebhi Nzambi, kia-nda zubha o ima íii? Ni kiebhi ki tu tena ku dibhana ni maka enhá lelu? O vidiu íii, i tambuijila o ibhuidisu íii.” Muéne u ilondekesa mu mutelembe anga u mu tala kiebhi kia mu divua. Mukonda vidiu iambote, athu avulu ene mu mesena ku i tala katé ku di sukilu. O kafunga ka ilunga uzuela: “Kala ki uévu, u tena ku bhinga n’a ku longo o Bibidia bhu kaxi ka kijimbuete. Nga-nda kulondekesa kiebhi ki tu longa o Bibidia.” Se o mukua dibhata u xikina, u mu londekesa o kadivulu Njimbu Iambote. Se o mukua dibhata kala ni kithangana, u bakana ku mu kunda. Kioso muéne kiaia mu sumba kafé ni ku nhoha bhofele, u zuela ué ni muthu u xikama-nê ku meza ni ngalasa ioso. O kuila eie ua mu longa ni kijimbuete kia jw.org, mu ukunji uê?