Zuela ku Athu o Site Ietu​—Mu Ukunji Uê

Suínisa o Athu ku Sota o Site: Saí athu ka xikina ku zuela n’etu né ku tambula madivulu metu, maji ene a tokuesa mu jw.org phala kuijiia ia lungu ni Jimbangi ja Jihova mu ji nzo jâ. Mu kiki, suínisa o athu ku sota o site mu ithangana ioso.

Itambuijila o Ibhuidisu: Sumbala mukua dibhata, mba muthu u mesena ku di longa, mba muthu u tu ibhuidisa maka alungu ni Jimbangi ja Jihova mba alungu ni milongi ietu. Mu londekese o kitambuijilu mu komputadolo mba makina ia mukuá. Kima kiambote o ku tanga o kibatulu mu Bibidia iê. Se kuala ni internete, jimbulula ku muthu se kiebhi kia tena ku sota o jw.org, phala ku sanga o kitambuijilu.​—Ndé bhu “Milongi ia Bibidia/Ibhuidisu ia Bibidia io Tambuijile,” mba “Di Longe ia Lungu n’etu/Ibhuidisu ene mu i Bhanga Kiavulu.”

U Tena ku Tumikisa Divulu Dioso-Dioso Ku Muthu ua Muijiia: Ndé ku downloaded PDF mba EPUB phala ku tumikisa o njimbu. Mba u sota download phala kuívua o madivulu mu CD. Kioso ki u tumikisa divulu, tudivulu, mba tu madivulu, ku muthu ka mu batizala luua, u tena ku tu pontala. Kana ku tumikisa madivulu ku muthu ku muijiia mba ku tumikisa madivulu avulu. Kana ku a tumikisa mu Site iéngi.​—Ndé bhu “Madivulu.”

Londekesa o Njimbu ia Ubhe ia Lungu ni Jimbangi ja Jihova: O ku bhanga kiki, kua-nda kuatekesa o muthu a mu mu longa o Bibidia, ni athu a mukuá, u ua-nda zuela nau o ku uabhela o muiji ua Kidistá, ni ukexilu uetu ua ku diongeka. (Jisá. 133:1)​—Ndé ku “Njimbu.”

[Diagrama ku mbandu 5]

(Phala ku mona o milongi, tala o divulu)

Fikisa Kiki

1 Mu “Madivulu”, sota o divulu dioso-dioso di ua mesena, bueta bhu mbotá phala kuívua o kibatulu kia Bibidia, mba milongi ia mukuá i ua mesena.

2 Bueta bhu MP3 phala ku moneka o madivulu a mukuá. Bueta bhu dijina dia divulu bhu download ▸ phala kuívua mu internete.

3 Sota dimi di ua mesena ni u buete mu download, ua-nda sanga o divulu mu dimi di ua mesena.