Ifika ia Bhebhuluka

Mateka o ku Longa o Bibidia mu Sábhalu ia Dianga mu Mbeji ia Katanu

“Tua mu kunda o athu, mukonda dia lembalasa ia kufuá kua Jezu ia-nda bhita ku mbeji ia Kasamanu mu kizuua kia 14. Mu kizuua kiki, tua-nda lembalala o kufuá kua Jezú. Saí athu, a-nda lembalala o kufuá kuê, mukonda a bhana valolo mu kufuá kua Jezú. A mukuá kejiia se o kufuá kua Jezú kuala ni valolo. O kuila o kufuá kua Jezú, ku bhekela mabesá phala eie n’eme?” Ehela o muthu n’a tambuijile. Londekesa o mbandu ia sukina, ia Mulangidi ua 1 ua Katanu, tanga o kibhuidisu kia dianga, tanga kibatulu kimoxi kia Bibidia. Bhana o Mulangidi ku mukuá dibhata, ni u zuele o kizuua ki ua-nda vutuka, phala ku mu longa o kibhuidisu kia kaiela.

O Mulangidi 1 ua Katanu

“Saí athu ene mu di ebhuidisa, se mukonda diahi Nzambi ka zubha o usuéia ni hadi ioso ku mundu. Mudiê, o kuila Nzambi ka tu suu, inga ua mesena kuila o athu a tala hadi? [Ehela o muthu n’a tambuijile. Tanga Nzuá 3:16.] Né muene, o velusu íii ilondekesa kuila Nzambi u tu suua, né kiki, o athu ka tena ku xinganeka kiebhi o kufuá kua mona ua Nzambi ku tena ku a bhekela mabesá. O Mulangidi iú, ulondekesa se kiebhi o kufuá kua Jezú, ku tena ku zubha o usuéia ni hadi ioso iene ku mundu.”

Despertai! Katanu

“Tua mu kunda o athu, phala kua jimbuluila kiambote o velusu íii ia Bibidia. [Tanga Dimatekenu 1:1.] Saí athu a xikina kuila saí muthu ua bhange o ngongo, a mukuá ka xikina. Ihi i u banza? [Ehela o muthu n’a tambuijile.] Saí athu ka xikina kuila o ima a i bhange, mukonda dia ilongesu iene mu longa o atuameni a jingeleja, kene mu longa o milongi ia Bibidia. O Despertai! didi, di jimbulula, o milongi ia Bibidia ia lungu ni ibhangelu.”