Ifika ia Bhebhuluka

Itendelesu Phala ku Bhana Tumikanda Tua Lembalasa ia Kufuá Kua Jezú

“Tua mu bhana o tumikanda tutu, phala o kiônge kia katunda. Mu kizuua kia 3 kia mbeji ia Kasamanu, mazunda ni mazunda athu ku mundu uoso, a-nda diongeka kumoxi phala o Lembalasa ia kufua kua Jezú Kristu, ni kuivua o diskursu dia lungu ni kiebhi o kufua kua Jezú ku tu kuatekesa. O kamukanda kaka, ka londekesa o kithangana ni kididi mua-nda bhita o kiônge.”

O Mulangidi 1 ua Kauanu

“Mu kizuua kia 3 kia mbeji ia Kasamanu, kiene o kizuua kia Lembalasa ia kufua kua Jezú Kristu. Athu avulu mu mbambe ietu, a-nda diongeka phala o kiônge kiki, maji athu a mukuá mu diembu dietu a banza kuila, o kufua kua Jezú ki kuala ni valolo. Ihi i u banza? O kuila eie u banza kuma o kufua kua Jezú ni difukunukinu diê diala ni valolo? [Ehela o muthu n’a tambuijile.] Tala ki zuela o Mak’â Nzambi ia lungu ni maka iâ. [Tanga 1 Kolindo 15:22, 26.] O Mulangidi iú u zuela o mabesá a-nda bheka o sata ia Jezú ku hádia, mu kuijiia kuila, ki kua-nda kala dingi muthu ua-nda kufua.”

Despertai! Katanu

Tua mu kunda o jivizinhu jetu, phala kua londekesa o Despertai! dia ubhe. [Londekesa o kapa.] Athu oso ala ni ibanzelu iâ, ia lungu ni kibhudisu kiki: O kuila kuene Nzambi? Mu diê, nanhi uala ni kibanzelu kiambote kia lungu ni hádia, o muthu u xikina kuma kuene Nzambi mba o muthu ka xikina? [Ehela o muthu n’a tambuijile.] Mu Despertai! didi, muala ni kikanenu kia Nzambi ki bhana kidielelu ku athu avulu. [Tanga Jisálamu 37:10, 11.] O Despertai! didi, di londekesa milongi iuana ia Bibidia, ilondekesa kuila kuene Nzambi.”