Tumikanda Tua Mbote Tua Ubhe!
1. O kuila o tumikanda tua ubhe, tua difu ni tuokulu?
1 Mu Kiônge kia Dikota kia 2013, ni diambu: ‘O Mak’â Nzambi Ene o Kidi!’ a bhana-mu tumikanda tu tanu. A bandekesa-ku o Njimbu ia Utuminu, No. 38 ni diambu “O Kuila o Athu Afú kiá a ka Vutuka Dingi?” O tumikanda tu samanu tua mbote. Mukonda diahi, ki tua difu ni tumikanda tuengi? Kiebhi ki tu tena ku kalakala na-tu kiambote, kioso ki tu boka nzo ni inzo?
2. Mukonda diahi, o tumikanda a tu bhange mu ukexilu uéngi?
2 Mukonda Diahi a tu Bhange mu Ukexilu Uéngi?: Phala ku ditunda kiambote mu ku boka nzo ni inzo, ku bhinga ku kaiela pondo jiuana: (1) Ku bhanga kibhuidisu, phala ku mateka o ku zuela. (2) Ku tanga kibatulu kia Bibidia. (3) Ku bhana o kamukanda, phala o mukua dibhata ku tanga. (4) Ku bhanga kibhuidisu, phala ku ki tambuijila mu kizuua kiéngi, ni ku bhanga ioso phala ku vutuka ku kunda dingi o muthu. O tumikanda tua ubhe tu kuatekesa ku kaiela o ji pondo jiuana.
3. Kiebhi ki tua tokala o ku kalakala, ni tumikanda tua ubhe mu ukunji?
3 Kiebhi ki tu Kalakala Na-tu: (1) Kioso ki u menekena, londekesa o ibhuidisu iala ku kamukanda, ebhuidisa se ihi ia banza. (2) Jikula o kamukanda, tanga se “Ihi i Zuela o Bibidia.” Se kithangana ki bhana, tanga mu Bibidia iê. Se o mukua dibhata uala ni kithangana, tanga nê o mbandu iambe “O Izuelu Íii Ilombolola Ihi Phala Eie.” (3) Bhana o kamukanda, mu suínise ku tanga o kamukanda koso, se kithangana ki bhana. (4) Ande dia kuia, mu londekese ku dima dia kamukanda, mu mbandu iambe “Xinganeka,” ni ku bakana, phala ku tambuijila o kibhuidisu kia Bibidia, mu kithangana kiéngi.
4. Kiebhi ki tu tena ku kalakala ni tumikanda, phala ku kunda dingi o mukua dibhata?
4 O ku vutuka, phala ku kunda dingi ki ku bhonzo. Tanga o kibatulu kia Bibidia, kiala ku dima dia kamukanda, phala ku tambuijila o kibhuidisu ki ua xisa, phala ku batula o maka. Ande dia kuia, jimbulula o kadivulu, Njimbu Iambote ia Nzambi, londekesa ku mukua dibhata, o disá mu tu sanga o milongi iala mu kamukanda, mu bhane o kadivulu. Se u xikina, bakana n’ê, phala ku mu kunda dingi. Kima kiambote se u mateka ku mu longa o Bibidia! Mba mu veji dia ku bhana o kadivulu, u tena ku bhana ué kamukanda kengi, ni ku bakana ni mukua dibhata, phala ku mu kunda dingi mu kizuua kiéngi.
5. O kuila o tumikanda, tuene mu tu kuatekesa mu ukunji uetu?
5 Tuene mu boka kiá ni tumikanda mu 130 a mivu. Né muene o tumikanda ki tua difu, tuene mu tu kuatekesa kiavulu mu ukunji. Tua tokala ku kalakala na-tu mu ukunji, phala ku sanzumuna o njimbu iambote.—Jis. 15:7a.