O Mbeji ia Kakuinhi, Mbeji ia Katunda Phala ku Kalakala!

1. Kikalakalu kiahi, kia-nda bhanga ku mundu uoso, mukonda dia Utuminu ua Nzambi ku tenesa 100 ia mivu?

¹ O Utuminu ua Nzambi, ua-nda tenesa 100 ia mivu tundé kia u tumbika, mu kiki, tua-nda bhana o kamukanda ku athu oso phala ku ximana Jihova! Ku mbeji ia Kakuinhi, etu oso tua-nda bhana o kamukanda ka ubhe ni diambu: “Kuebhi ku tu Sanga o Itambuijilu ia Ibhuidisu ia Beta o Kota ku Muenhu?” O kamukanda kaka, ka-nda kuatekesa o atangi kuijiia o itambuijilu ia Bibidia ni ku jimbulula kiebhi o kijimbuete kia jw.org, ki tena ku a kuatekesa.

2. Ihi i tua tokala o ku bhanga, phala ku ‘dikola ni dízui dia suína, mu ku ximana Jihova,’ mu mbeji ia Kakuinhi?

² Ku di Kola ni Dízui dia Suína: Phala ku kuatekesa o aboki ku sanzumuna o ukunji uâ, o Kibuka kia Utuminu kia bhange kima phala ku kuatekesa o jiphange a mesena ku kala aboki a ithangana ni ithangana, mu mbeji ia Kakuinhi. Mu mbeji íii, o aboki a ithangana ni ithangana a-nda bhana 30 a ji ola. Mukonda dia mbeji ia Kakuinhi ku kala ni masukilu atanu a semana, o akalakadi ni jiphange ene múia mu xikola mu izuua ia semana, a-nda tena ku kala aboki a ithangana ni ithangana. Se uala ni dixibulu mba mona ua mesena ku kala muboki, zuela kiá ni kafunga uala ku pholo ia kibuka kia tufunga. Tua-nda sanguluka kiavulu, mu ku kalakala ni ió a-nda kala aboki mu mbeji ia katunda! Saí aboki a thembu ioso a nhoha, kioso kia tenesa o ji ola jâ, maji né kiki nange a-nda bhanga ioso phala ku kalakala mu mbeji ia katunda. Kiki kiene o kithangana phala o miji ku di zuelesa, se kiebhi kia-nda ‘dikola ni dízui dia suína, mu ku ximana Jihova’ mu mbeji ia Kakuinhi.​—Eji. 3:11; Jisa. 15:22.

3. Ihi i tua kingila mu ku kalakala ni kamukanda?

³ Sumbala tua bhanene kiá tumikanda ku muvu ua tundu-mu, tua kingila kuila o kamukanda kaka, ka beta kota ku ka bhana ku athu. O kuila tu tena ku bandekesa o ji ola, ku bhanga aboki, ni ku kala aboki a ithangana ni ithangana mu mbeji ia Kakuinhi? Mu disukilu dia muvu ua sidivisu ua 2014, Jihova ua-nda besoala o mundu uê mu ixi ioso mu nguzu ioso ia bhanga, phala ku kalakala kiavulu mu mbeji ia Kakuinhi!​—Mat. 24:14.