Ku Jimbulula o Kixikanu Kietu Kia Lungu ni Muvu ua 1914

O Bibidia i tu tendelesa ku kala “polondo phala ku vutuila muthu uoso [uibhula]” o kixikanu kietu, ‘ni ku tululuka ni ku xila kuoso.’ (1 Phe. 3:15) Kienhiki, nange ku bhonza ku jimbulula o kidi kia zongo kia Bibidia, kála kiebhi ki tuejiia kuila, o Utuminu ua mateka ku tumina ku muvu ua 1914. Phala ku tu kuatekesa, a bhange mbandu jiiadi jala ni diambu “Kuzuela Ia Lungu Ni Bibidia​—O Utuminu ua Nzambi ua Mateka ku Tumina Thembu Kuxi?” O milongi íii, tu i sanga mu Mulangidi u tua-nda bhana mu mbeji ia Kamusasadi ni Kamoxi. Ki ua-nda tanga o milongi íii, tonginina kiambote o ibhuidisu ia bhange Nzuá, o muboki ua kifika.

Kiebhi muéne . . .

• kia londekesa o kiximanu phala ku zuela ni muthu?​—Ika. 17:22.

• kia londekesa o ku lenduka, mu ku jimbulula o kixikanu kiê?​—Ika. 14:15.

Mukonda diahi muéne ua bhange kiambote . . .

• ku bhitulula o jipondo ande dia ku bhita mu milongi iéngi?

• ku imana mu ithangana ia tokala ni kuibhuidisa se o mukua dibhata ua tendela ia mu jimbuluila?

• ku longa ngó bhua soko o kilunji kia mukua dibhata?​—Nzu. 16:12.

Kusanguluka kuahi ku tuala na-ku, mu ku kala ni ‘Mulongexi uetu ua Dikota’ Jihova, uene mu tu bhana jindunge phala ku longa o kidi kia zongo kia Bibidia, ku athu a kambe kixikanu!​—Iza. 30:20.