Kubandekesa O Uhete Uetu Mu Ukunji—Xisa Kibhuidisu Phala Kukunda o Muthu

MUKONDA DIAHI KIMA KIAMBOTE KUBHANGA KIKI:

Tua mesena kutekela o jimbutu ja kidi ji tu kuna. (1Ko 3:6) Kioso ki tu sanga muthu ua mesena kuívua o njimbu, kima kiambote kuxisa kibhuidisu phala ku ki tambuijila, kioso ki tua-nda mu kunda dingi. O kubhanga kiki, kusuínisa o muthu, ku tu kuatekesa ué kuijiia i tua-nda zuela kioso ki tua-nda mu kunda. Kioso ki tu mu kunda tu zuela, tueza phala kutambuijila o kibhuidisu ki tua xisa.

KIEBHI KI TU TENA KUBHANGA KIKI:

• Kioso ki u pelepalala o milongi i ua-nda zuela mu kuboka nzo ni inzo, sola kibhuidisu phala ku ki tambuijila, kioso ki ua-nda kunda o muthu. U tena kusola kibhuidisu mu divulu di ua-nda bhana. Mba kibhuidisu ki u sanga mu madivulu metu, ki ua mesena kusola phala kukunda o muthu.

• Kioso ki u zubha kuzuela ni muthu uevu o njimbu, mu tangele kuila ua mesena kuzuela n’é mu kizuua kiéngi, xisa kibhuidisu ki ua solo. Se ki bhana kala ni kijimbuete kia muthu.

• Se ua bakana ola, bhanga ioso phala kukumbidila o kizuelu kiê.—Mat 5:37.