Kubandekesa o Uhete Uetu Mu Ukunji—Longa ni ji Vidiu

MUKONDA DIAHI KIMA KIAMBOTE KUBHANGA KIKI:

Kioso o athu kia mona o ji vidiu, o milongi i tena ku a tula ku mixima iâ, ni ku a bhangesa kuxinganeka. Kiki ki tena kua kuatekesa kuívua ni kutendela o njimbu. Jihova muene o phangu ia dikota mu kulonga bhu kaxi ka ima.—Ik 10:9-16; Dij 1:1.

O ji vidiu O Kuila Nzambi Uala ni Dijina?, O Bibidia ia Tokala Kua Nanhi?, ni Kiebhi ki tu Tena Kuijiia Kuila o Bibidia i Longa o Kidi? ji tu kuatekesa kulonga kiambote o disá dia 2 ni 3 dia kadivulu Njimbu Iambote. O ji vidiu, Mukonda Diahi Tua Tokala Kudilonga o Bibidia?, Kiebhi Kia Longa o Bibidia?, ni Ihi Iene mu Bhanga Bhu Kididi Kia Ubhezelu?, ji kuatekesa o athu kudilonga n’etu mba kuia mu iônge. Saí ji vidiu jetu ji tu kuatekesa ué phala kulonga na-ju.—km 5/13 3.

KIEBHI KI TU TENA KUBHANGA KIKI:

• Katula o vidiu i ua mesena kulondekesa ku mukua dibhata

• Pelepalala kibhuidisu kimoxi mba iiadi, phala ku itambuijila bhu kaxi ka vidiu

• Mu tala kumoxi o vidiu

• Jimbulula o jipondo ja beta o kota

FIKISA O NDUNGE ÍII:

• Tala ku dima dia tumikanda tuetu, londekesa o kidimbu phala kukatula o vidiu Mukonda Diahi Tua Tokala Kudilonga o Bibidia?

• Londekesa o vidiu Kiebhi ki tu Tena Kuijiia Kuila o Bibidia i Longa o Kidi? Bhana o kadivulu Njimbu Iambote, jimbulula o disá dia 3