Kalakala ni Jividyu mu Kulonga o Maxibulu mé a Bibidya

O jividyu ni jifikula ji kwatekesa o jingivwidi kubhana mátwi, ji kwatekesa we kutendela ni kulembalala o ima ya dilongo. O Mesene yetu ya Katunda, Jihova, wa kalakalele we ni jifikula phala kulonga madisá a mbote m’ukulu. (Di 15:5; Je 18:1-6) O Mesene ya Dikota, Jezú, kyene we kya bhange. (Mat 18:2-6; 22:19-21) Lelu, o jividyu jene mu tu kwatekesa kukatula mbote yavulu. O kwila wene mu katula mbote mu kukalakala ni jividyu kyoso ki u longa o maxibulu mé a Bibidya?

A bhange dikwinyi dya jividyu phala ku tu kwatekesa kulonga o madisá a kadivulu Njimbu Yambote ya Nzambi! O madyambu a jividyu, a lungu ni ibhwidisu ya xikatela i tu sanga mu kadivulu kaka. O kadivulu kala mu jw. org, kala ni links ji tu lembalesa kyoso ki kubhinga kulondekesa vidyu. Lwa mukwa, kwene jividyu ja mukwa ji kwatekesa kulonga na-ju, ji bhanga mbandu mu Jifalamenda Jetu ja Kulonga.

O kwila kibhonza o dixibulu dyé kutendela milongi ya Bibidya i u mu longa? O kwila o dixibulu dyé wa mu dibhana ni kibhidi? Sota jividyu mu jw.org® ni JW Broadcasting® phala ku mu kwatekesa. Nange eye ni dixibulu dyé mu tena kutala kumoxi o vidyu ni kudizwelesa ya lungu ni vidyu i mwa mono.

Mbeji ni mbeji, kwene mu moneka jividyu ja ubhe. Kyoso ki uya ni kutala o jividyu, banza kyebhi ki u tena kulonga na-ju akwenu.