Kyebhi o Mubhangi Kya tu Jimbulwila o Ikanenu Yê

Tundé kyabhange o athu, o Mubhangi wetu wakexile mudizwelesa ni athu bhukaxi ka jyanju ni polofeta. Lwamukwa, mwene wasolo we kwila o njimbu ni ikanenu yê a isoneka. Nzambi ukanena kwila ku hádya twanda zediwa. Lelu, kwebhi ku utena kusanga o ikanenu ya Nzambi?

O njimbu ya Nzambi phala etu, tu isanga mu Mikanda Ikôla. (2 Timote 3:16) Kyebhi o jipolofeta kya soneka o njimbu ya Nzambi? (2 Phetele 1:21) Nzambi wate o ibanzelu yê mu ilunji ya asoneki, mukusuluka ene asoneka o ibanzelu yiyi. Kyene kimoxi we lelu. Se o mukwa wenji ubhinga kuseketa yê phala kusoneka njimbu, twanda kwijiya kwila o njimbu yatokala kwa mukwa wenji. Kyene kimoxi we, sumbala Nzambi watumu o mayala phala kusoneka o njimbu yê, o Mikanda Ikôla yatokala kwa mwene.

O MAK’Â NZAMBI ALA MU IDIDI YOSO

O Mak’â Nzambi ala ni valolo yavulu, kyene Nzambi kyamesena kwila athu oso a a tanga ni kwatendela. Lelu “o jingolokela ji xalelà-ku ja Njimbu Yambote” ya Nzambi, yala mu “ifuxi yoso, ni miji yoso, ni madimi.” (Dijingunwinu 14:6) Ni kikwatekesu kya Nzambi, o Mikanda Ikôla kikale yatenena mba mbandu, yala kya mu 3.000 a madimi ndenge, yatúndu o madivulu moso mungongo.