Mulangidi KIDIDI KYA KUBHAKA MADIVULU MU INTERNETE
Mulangidi
KIDIDI KYA KUBHAKA MADIVULU MU INTERNETE
Kimbundu
  • BIBIDYA
  • MADIVULU
  • YÔNGE
  • wp20 No. 3 jimb. 14-15
  • Sanguluka ni Mabesá Akalelaku Andatubhana o Mubhangi Wetu

O vidyu iwasolo seku luwa.

Tuloloke, kwamoneka kibhidi mu kujikula o vidyu.

  • Sanguluka ni Mabesá Akalelaku Andatubhana o Mubhangi Wetu
  • O Mulangidi U Bhana Ngolokela ia Utuminu ua Jihova (Phala o Athu)—2020
  • Milongi Yadifu
  • Ihi Itutena Kudilonga mu Madiwanu a Jezú?
    O Mulangidi U Bhana Ngolokela ia Utuminu Ua Jihova (Milongi Phala Kudilonga)—2023
  • Muéne ua Zolele Kiavulu o Athu
    O Mulangidi ua ku di Longa—2015
  • Tutena Kudilonga Yalungu ni Nzambi Bhukaxi ka Jipolofeta Jê
    O Mulangidi U Bhana Ngolokela ia Utuminu ua Jihova (Phala o Athu)—2020
  • Kristu—Muéne o Kutena Kua Nzambi
    O Mulangidi ua ku di Longa—2015
Tala dingi ima yamukwa
O Mulangidi U Bhana Ngolokela ia Utuminu ua Jihova (Phala o Athu)—2020
wp20 No. 3 jimb. 14-15
Athu a mawukexilu oso, asanguluka mukukala kumoxi mu palayizu mu ixi.

“O mavu ende ni kubhana dingi o idima yê; o Nzambi, Nzambi yetu mwene, a tu bhane o kuzediwa.”—SÁLAMU 67:6

Sanguluka ni Mabesá Akalelaku Andatubhana o Mubhangi Wetu

Nzambi wakanena kwa polofeta Mbalahamu kwila bhu kaxi ka mbutu yê weji bheka mabesá ku “ifuxi yoso mu ngongo.” (Dimatekenu 22:18) Nanyi weji kala o mbutu?

Midi jiyadi jamivu kudima ndenge, Jezú, o mbutu ya Mbalahamu, Nzambi wamubhana o kutena kwa kubhanga madiwanu. O madiwanu yá alondekesa kwila o kikanenu kyabhange kwa Mbalahamu kyakuzediwisa o ifuxi, kyeji dikumbidila bhukaxi ka Jezú.—Ngalásya 3:14.

O madiwanu abhange Jezú alondekesa kwila, mwéne o muthu amusolo kwa Nzambi phala kubesowala o mundu ni kwila alondekesa we kyebhi Nzambi bhukaxi ka Jezú kyandabheka o mabesá akalelaku ku athu. Tala kyebhi o madiwanu a Jezú alondekesa o idifwa yê yambote.

Henda—Jezú wasake jihaxi.

Sayi kizuwa, o mukwa dibhute wadyondela Jezú phala kumusaka. Jezú wamukwata anga, wixi: “Nga mesena!” Mukithangana kyenyókyo, o diyala weluka.—Máluku 1:40-42.

Mukwa kubhana—Jezú wadikila o athu exile ni nzala.

Jezú kamesenene kwila o athu aya ni nzala. Bhukaxi kamadiwanu, wabhangesa o jimbolo jofele ni jimbiji jofele kukituka javulu, phala kudikila jimidi ja athu. Kyoso kyadi, enyoso ekuta, kwasubhuka hanji kudya kwavulu. (Matesu 14:17-21; 15:32-38) Maji Jezú kabhange ngó o madiwanu yá muveji imoxi.

Kuditula bhu kididi kya akwâ—Jezú wafukununa athu afu.

Kuma “henda ya mu kwata,” Jezú wafukununa o mona umoxyelele wa mutudi weji mutambula o konda.—Luka 7:12-15.

MABESÁ AKALELAKU MU IXI

Jezú walondekesa kyá kwila Nzambi wala ni kutena kwa kubheka mabesá phala o athu. Kwa kambe ngó, kyoso Jezú kyandavutuka kala kya kikanena, bhukaxi ka mwene, o Muteni-a-yoso wandabhanga madiwanu avulu mu ixi yoso!

Kyebhi kyandakala o mwenyu mu ixi, kyoso Nzambi kyandakumbidila o kikanenu kyabhange kwa Mbalahamu? Oso azolo Nzambi ni kumuxila “éne a lundula o ixi” andakala “ku ngalasa ni kutululuka kwavulu.” (Sálamu 37:11) “Ki ku kala dingi kùfwa, nè ngó mukôndo, mba kudila, mba kukata.”—Dijingunwinu 21:4.

Kyandakala dibesá kukala ni mwenyu wakalelaku ni kutululuka mu ixi! Kwa kambe ngó bhofele o mabesá a unguvulu wa Nzambi andadikumbidila kyá. Phala kwijiya dingi yalungu ni mabesá yá, twakubhingi ndé mu www.jw.org.

    Madivulu Muoso Kimbundu (2008-2025)
    Kutunda
    Kubokona
    • Kimbundu
    • Kuwanena akwenu
    • Yakuwabhela
    • Copyright © 2025 Watch Tower Bible and Tract Society of Pennsylvania
    • Ijila
    • Kikutu Kyetu
    • Definições de privacidade
    • JW.ORG
    • Kubokona
    Kuwanena akwenu