Sumbala o Phasu ki yexile kizunzumbya kya Lembalasa, maji say ima ya kexile mu bhanga mbandu ya Phasu, yala ni ilombolwelu ya dikota phala etu. Mu kifika, o phoxolo Phawlu wexana Jezú kala o “Kambudi ka Phasu yetu.” (1Ko 5:7) Kala o manyinga a mbudi a kexile mu a sangela ku mikangala ya dibhitu ni kuphidika jya thandu jya mabhitu ma jinzo a bhulula mwenyu, kyene kimoxi we, o manyinga ma Jezú a bhulula myenyu. (Ma 12:12, 13) Lwa mukwá, o ifuba ya kambudi ka Phasu ka kexile mu i bukujula. Kyene kimoxi we, Jezú kyoso kya mu phaphe ku taka, ka mu bukujula né ngó kifuba kimoxi, sumbala mu thembwomo kyexile kijila kubhanga kiki.—Ma 12:46; Nz 19:31-33, 36.