Etu Tulondekesa Henda, Kyoso Kitubelesela o Itumu ya Jihova Yalungu ni Kubazela

Kuta omuthu mukamukonde, kukwatekesa kulanga okilunga, kulonga yó watekituxi maji kadyela. (1Ko 5:6, 11) Kyoso kitubelesela o itumu ya Jihova yalungu ni yó a atekamukonde mukilunga, twamulondekesa henda. Majiphe kiki kibhita kyebhi, se kuta muthu mukamukonde mukilunga kubhekela ibhidi kikale phala ojindandu, kikale phala okibuka kyatufunga kifundisa phange wateketuxi?

Kyoso kituxikina o ukexilu yú wa Jihova wakubazela, tulondekesa kwila, twazolo odijina dya Jihova, twazolo o itumu yaxindi mwene yalungu ni kuzela. (1Ph 1:14-16) Tulondekesawe kwila, twazolo omuthu amutemukamukonde. Sumbala okibazelu kibheka ndolo, maji “kibhekela kutululuka ni kuyuka kwa yó amwalonga.” (Jih 12:5, 6, 11) Kudilunga ni muthu amutekamukonde mukilunga ni yó waditunu kukala Mbangi ya Jihova, kyene kimoxi ni kukamba kubhana valolo mu itumu ya Jihova yalungu ni kubazela. Twatokala kulembalala kwila, Jihova wene mubazela o mundu wê “mu kizongelu kya fwama.” (Je 30:11) Twatokala kusuluka kubhanga o ikalakalu yanzumbi itwene mubhangakyá, kuxila o itumu ya Jihova yalungu ni kubazela ni kidiyelelu kyakwila, sayi kizuwa omuthu wandavutuka kwa Tata yetu yahenda.—Iz 1:16-18; 55:7.

TALA OVIDYU, LONDEKESA UFIYELE NI MUXIMA WOSO, MUKUSULUKA TAMBWIJILA O IBHWIDISU YAKAYELA:

• 

  Kyebhi kyadivwa ojitata, kyoso monê kyabhana dikunda kwa Jihova?

• 

  Kyebhi ojiphange kyatena kukwatekesa ojindandu ja yó a atekamukonde mukilunga?

• 

  Musoso webhi wa Bibidya ulondekesa kwila, o ufiyele wetu kwa Jihova watokala kubeta okota okwajindandu jetu ndenge?

• 

  Kyebhi kitutena kulondekesa kwila, o ufiyele wetu kwa Jihova wabeta okota okwajindandu jetu ndenge?