Suluka mu Kusunga Kilunji

O mukwa kulenga (atleta) watokala kusuluka mu kutungutisa o mukutu wê mba jimuskulu, phala kukala kyambote. Kyene kimoxi we, etu twatokala kubhanga nguzu phala kusuluka mu kulonga ni kukala ni kilunji kyambote. (Jih 5:14) Sumbala sayi bhabha twala ni ukexilu wakukayela o ima isola akwetu, maji twatokala kukala ni uhete wakuxinganeka ni kubatula mba kusola o ima mudyetu mwene. Mukonda dyahi? Mukonda kala muthu mudyetu wanda bhakula jikonda kwa Nzambi mu ima yasola.—Lo 14:12.

Ki twatokala kubanza kwila twanda batula mba kusola kyambote o ima, mukonda atubatizala kya mivu yavulu, kana. Phala kusola ni unjimu, twatokala kudyelela kwa Jihova, ku Maka mê ni ku kilunga kyê.—Jos 1:7, 8; Ji 3:5, 6; Mat 24:45.

TALA OVIDYU “KALA NI KILUNJI KYAMBOTE,” MU KUSULUKA TAMBWIJILA O IBHWIDISU YA KAYELA:

• 

  Kibhidi kyebhi kyalungu ni kusola kyadibana nayu Emma?

• 

  Mukonda dyahi twatokala kweha kubhana o jindunge jetu mu maka alungu ni kitongolwelu mba kilunji?

• 

  Kitendelesu kyebhi kya unjimu kyabhana o dikaza kwa phange Emma?

• 

  Kwebhi Emma kwasange o kikwatekesu kyalungu ni maka wakexile mudibhana nayu?