Longa o Maxibulu Kyebhi Kyatena Kudidikila mu Nzumbi

Phala kudikila o ibhindamu yâ mu nzumbi ni kukala Jikidistá jakulu mu nzumbi, o adilongi a Bibidya, atokala kudilonga dingi, muveji dya kudikwatenena ngó mu kidi ki twa alonga. (Mat 5:3; Jih 5:12–6:2) Ene atokala kudilonga we kyebhi kyatokala kudidikila mu nzumbi.

Tundé kudimatekenu, londekesa ku maxibulu mé a Bibidya kyebhi kyatena kupelepalala o milongi yanda dilonga, u aswinisa kubhanga jinga kyenyiki. (mwb18.03 6) U aswinisa kusamba ande dya kudilonga ubheka wâ. Kwatekesau kusanga ni kukalakala ni jifalamenda mu ukexilu wa digitale, phala kudilonga. Jimbulula kyebhi kyatena kusanga milongi ya ubhe mu kijimbwete kya jw.org ni JW Broadcasting^®. Bhofele-bhofele u alonga kutanga o Bibidya izuwa yoso, kupelepalala o milongi ya yônge ni kutokwesa phala kusanga o itambwijilu ya ibhwidisu yâ. Kwatekesau kuxinganeka mu ima yadilongo.

TALA OVIDYU, KWATEKESA O MAXIBULU MÉ KU DI DIKILA O IBHINDAMU YÂ MU NZUMBI, MU KUSULULA TAMBWIJILA O IBHWIDISU YAKAYELA:

• 

  Kyebhi Nita kya kwatekesa Jade kumona kwila o kudilonga ki kwalungu ngó ni kutambwijila o ibhwidisu?

• 

  Ihi yakwatekesa Jade kuxikina kwila Jihova walungwé mu kukidika ni kuzemba o undumbu?

• 

  Ihi yatendela Jade yalungu ni kuxinganeka mu ima yadilongo?