Kwatekesa o Maxibulu mé Kukala ni Ukamba ni Jihova

Jihova wamesena kwila tumubheza ni kumusidivila bhukaxi ka henda yetu. (Mat 22:37, 38) O kuzola Nzambi, kwene kwandabhangesa o maxibulu a Bibidya kulungulula ima ku myenyu yâ ni kukolokota kyoso kyadibhana ni kibhidi. (1Nz 5:3) O henda yâ kwa Nzambi, yene yanda kwaswinisa kudibatizala.

Kwatekesa o maxibulu mé kumona o henda ya Nzambi kwa ene. Mubhange o ibhwidisu yiyi: “O milongi yiyi ikulonga ihi yalungu ni Jihova?” mba “Kyebhi o yiyi ilondekesa o henda ya Nzambi kokwé?” U akwatekesa kwijiya kyebhi Jihova kya mwakwatekesa. (2Mal 16:9) Watangela misoso yalungu ni kyebhi Jihova kyene mutambwijila o misambu yé, u aswinisa kumona we kyebhi Jihova kyene mutambwijila o misambu yâ. Kisangusangu kyadikota o kumona o maxibulu a Bibidya kulondekesa o kisakidilu kyâ mu henda ya Jihova kwa ene ni kuzukama kwa mwene.

TALA OVIDYU KWATEKESA O MAXIBULU MÉ KUKALA NI UKAMBA NI JIHOVA, MUKUSULUKA TAMBWIJILA O IBHWIDISU YAKAYELA:

• 

  Kima kyahi kyadibhana nayu Jade kyexile mumutandanganyesa?

• 

  Kyebhi Nita kya kwatekesa Jade?

• 

  Kyebhi Jade kyatena kutolola o kibhidi kiki?