Madisá Utukatula ku Musoso wa Mwenyu wa Samuwele

Samuwele wakolokota fiyele kwa Jihova ku mwenyu wê woso. Kyoso kyexile kamunzangala, mwene waditunu kukala muthu wayibha mba mukwa kuzonza kala o ana a Eli, Hofini ni Finehase. (1Sa 2:22-26) Samuwele wasuluka kukula, Jihova wakexile jinga ni mwene. (1Sa 3:19) Kyoso kyakituka mwadyakime, mwene wasuluka kwenda mu jinjila ja Jihova mba kumusidivila ni ufiyele woso, sumbala an’ê kabhange kiki.—1Sa 8:1-5.

O phangu ya Samuwele itulonga ihi? Se u munzangala, dyelela kwila Jihova utendela o ibhidi iwene mudibhana nayu ni kyebhi kiwamudivwa. Mwene utena kukukwatekesa kukala ni kuswina. (Iz 41:10, 13) Se eye u tata, wala ni twana kamusidivila Jihova, o kwijiya kwila Samuwele kajijidika o an’ê kukala fiyele kwa Jihova, kwanda kukuximbakatesa. Kyoso kyaxisa o maka bhumaku a Jihova, mwene wasuluka mukukala fiyele, ni kusangulukisa o Tat’ê ya dyulu, Jihova. Nange o phangu yé yambote yandaswinisa o an’é kuvutuka kwa Jihova.

TALA OVIDYU, PHANGU PHALA ETU—SAMUWELE, MUKUSULUKA TAMBWIJILA O IBHWIDISU YAKAYELA:

• 

  Kyebhi Samuwele kyalondekesa o kuswina kyoso kyexile kamunzagala?

• 

  Kyebhi Danny kyalondekesa kuswina?

• 

  Kyebhi Samuwele kyabhana phangu yambote kyoso kyakituka mwadyakime?

• 

  Kyebhi o jitata ja Danny abhana phangu yambote?