Kyebhi ki Utena Kukalakala ni Ndunge Phala Kubhana Umbangi

O jiphange jidipelepalala kyambote phala kukayela o jindunge phala kubhana umbangi, aditunda kyambote mu mbambe yá. Kuma o ibhindamu kiyadifu ku mundu woso, o aboki atena kusola jindunge jengi jakuboka jalungu ni ibhindamu ya athu mu mbambe yá. Mukidi etu enyoso twabhingi kukayela o itendelesu phala o kambanya kakatunda. O mbambe yetu o kukumbidila o kitumu kya Jezú kyakuboka o njimbu yambote ya Utuminu.—Mat 24:14.

Kyoso o aboki kyatambula mbandu mu kyônge kyakaxi ka semana ene atena kukayela ndungi yala mu kamukanda Ukexilu wa Ukidistá ni Ukunji Wetu—Milongi Phala o Yônge. Maji sé ka abhana itendelesu yengi, ene atena kusola o kibhwidisu, o velusu mba kusola milongi yalungu ni kibhindamu kya athu mu mbembe yá. O itendelesu yalungu ni kusola o milongi yakuboka imoneka we mu kamukanda, Ukexilu wa Ukidistá ni Ukunji Wetu—Milongi Phala o Yônge ka mbenji ya Kanake ka 2020, difwe 8.