WENDELU WA UKIDISTÁ
Ditale Kala Kyene Kukutala Jihova
“Jihova usanzuka mba usanguluka ni mundu wê” (Jis 149:4) Sumbala tu akwa ituxi maji mwene utala o idifwa yetu yambote ni mauhete metu. Sayi ithangana itena kutubhonza kumona o idifwa yetu yambote. Nange twamudibhana ni kuluwala mukonda dya ukexilu watutalatala. Mba, se tudikwatenena mu itondalu yetu yokulu, etu nange tutena kukala ni phata ya kuxikina se Jihova watuzolo mwene. Ihi itena kutukwatekesa kyoso kitwamudibhana ni maka enyá?
Lembalala kwila Jihova katumona kala kyatumona o athu. (1Sa 16:7) Kiki kilombolala kwila mwene umona ima kokwetu, etu kitutena kukimona. Kisangusangu kyadikota kwijiya kwila bhukaxi ka Bibidya, tutena kwijiya kyebhi kyatumona Jihova. Kyoso kitudilonga jivelusu mba misoso ya Bibidya, tutena kumona kyebhi Jihova kyazolo o abhezi yê.
TALA O VIDYU XIKINISA O MUXIMA WÉ BHUPHOLO YA JIHOVA, MUKUSULUKA TAMBWIJILA O IBHWIDISU YAKAYELA:
O kifika kya mona mukwa kulenga ni tat’ê, kitulonga ihi yalungu ni kyebhi kyatumona Jihova?
Se muthu wate kituxi kyadikota, anga usota kubhanga yoso phala kuyudika dingi o ukamba wê ni Jihova, kyebhi mwene kyatena kuxikinisa o muxima wê bhupholo ya Jihova?—1Nz 3:19, 20
Kyebhi o phange kyakatula mbote mu kutanga ni kuxinganeka mu musoso wa Davidi ni wa Jozafate?