WENDELU WA UKIDISTÁ
Ene Akalakala Kyavulu Phala Kutusidivila
O tufunga twa ilunga ni ahatu’â, alondekesa henda ya kidi ni muxima woso kwa yó atokala mu ilunga ikunda ene. Maji kala etu, ene ala we ni ibhindamu yâ, sayi bhabha abhwila we, aluwala, akala we ni hele. (Tiy 5:17) Maji né kiki, ene semana joso axisa o ima yiyi kudima, anga adikwatenena mu kuswinisa o jiphange ja kilunga kyamukunda ene. Séku phata kwila o tufunga twa ilunga “abhingi kwaxila kyavulu.”—1Ti 5:17.
Kyoso poxolo Phawulu kyaxinganekene kukunda o jiphange ja kilunga ku Loma phala kwa “swinisa mu nzumbi,” mwene wamesenene kwila athu oso ‘adiswinise mudyâ.’ (Lo 1:11, 12) Abha eye? Waxinganeka kya kyebhi ki utena kuswinisa kafunga ké ka ilunga ni muhatu’ê, se mwene dikaza?
TALA O VIDYU O MWENYU WA KAFUNGA KA ILUNGA MU KUKUNDA O ILUNGA YALA KU MAXOKOLOLO, MUKUSULUKA TAMBWIJILA O IBHWIDISU YAKAYELA:
Mu ukexilu webhi o tufunga twa ilunga ni ahatu’â alondekesa henda mu kilunga?
Mbote yahi iwakatula kyoso o kafunga ka ilunga kya kundu o kilunga kyé?
Kyebhi kitutena kwa swinisa?