WENDELU WA UKIDISTÁ

Kwatekesa o Athu Kene Muya mu Ngeleja Kwijiya o Mubhangi Wâ

O kwila sayi kizuwa wakexile kya ni hele ya kubhana umbangi ku muthu kene ni ngeleja, mukubanza kwila mwene kanda kubhana mátwi? Se kyene, lembalala kwila avulu kene ni ngeleja—kate mwene o athu ka xikinine kwila kwene Nzambi—kupholo dya kwenda a kituka Jimbangi ja Jihova. Sayi bhabha, ene abhindamena ngo kakikwatekesu kya kwijiya ima ilondekesa kwila sayiku Nzambi.—Lo 1:20; 10:14.

TALA O VIDYU IJIYA NAKYU KWILA—ATHU AKAMBE KIXIKANU ATENA KUKALA NI KIXIKANU!—ATHU KENE NI NGELEJA, MUKUSULUKA TAMBWIJILA O KIBHWIDISU KYA KAYELA

Kyebhi o musoso wa phange Tommaso ukukwatekesa kukala ni kibanzelu kyambote yalungu ni kubhana umbangi ku athu kene muya mu ngeleja?

Kitambwijilu kyé

Kyebhi kitutena kubhanga kiki

Se muthu uzwela kwila kaxikina Nzambi, mu londekese henda, zwela ni masunga, londekesa kwila uxila o kibanzelu kyê anga u mwiva. (2Ti 2:24) Zwela maka andamutula ku muxima. O kwila mwene wandala kwivwa ima yene mubhangesa athu avulu kuxikina kwila sayiku Mubhangi? Se kyene, kalakala ni madivulu metu ni jividyu jizwela o maka enyá. O kadivulu A Vida — Teve Um Criador? ni A Origem da Vida — Cinco Perguntas Que Merecem Resposta, jibhanga we mbandu ya Jifalamenda Jetu Jakulonga, kijibhonzo kujisanga.

Ku dimatekenu nange utena kukala ni hele ya kuzwela ni muthu kaxina kwa Nzambi. O kwila utena kubhinga kikwatekesu ku muboki wala ni uhete? Lembalala we kwila Jihova utena kukukwatekesa kutula o njimbu ku mixima ya athu amesena kwivwa—némwene se kudimatekenu ene kexile muxikina kwila sayiku Nzambi.—Ik 13:48.