Tutena Kutolola o Ukexilu Wakudizemba!
O kwila eye akuzembele kyá?
Se kana, eye wamonene kya muthu amuzembe. Mu ithangana yavulu twene mukwivwa yalungu ni athu a atalatala kyayibha mukonda atokala mu ixi yengi, kikonda mba azeka diyala ni diyala mba muhatu ni muhatu. Mukonda dya kiki, jinguvulu javulu abhana itumu ifidisa o ukexilu yú.
O ukexilu wakudizemba ubhekela dingi kudizemba. O yó ene mwa azemba kyavulu, ene we muzemba yó a azembe; mukonda dya kiki o kudizemba kuya ni kudibandekesa muveji dyakubhwa.
Nange wadibhanene kya ni katombo, lusebhu ni kuxongwena ni kukukusa. Maji kikyene ngó. Mu ithangana yavulu o kudizemba kubhekela usweya kala, kulokalala, kuzangazanga o ima, kudibeta, kuzangata, katé mwene ni kudijibha.
O Mulangidi yú wandalondekesa kyebhi kitutena kutolola o ukexilu wakudizemba. Wandatambwijila we o ibhwidisu yakayela:
Mukonda dyahi o athu adizembe kyavulu?
Kyebhi kitutena kutolola o ukexilu wakudizemba?
O kwila sayi kizuwa o kudizemba kwandabhwa?