Milongi yamukwa mu Mulangidi

Aboki avulu ene mu pelepalala o yonge bhukaxi ka aplikativo JW Library^®. O falamenda yiyi itubhangesa kusanga ni lusolo o mbandu itwandadilonga mu Mulangidi, mu semana itwala, kiki kitukwatekesa kyavulu. Maji o Mulangidi wakudilonga wene mukwiza ni milongi yamukwa, ibhanga we mbandu ya kudya kwetu mu nzumbi. Kyebhi kitutena kusanga o milongi yiyi mu JW Library, ni tukatule we mbote mu kudilongayu?

• Kala mbandu ya kudilonga ya Mulangidi, kudisukilu dye, kwene mumoneka o izwelu “Matéria Adicional.” Ku lwiji dya izwelu yiyi, bweta ku link “Outros artigos neste número.” Eye wandamona o milongi yoso yala mu mulangidi. Tala kwila o ji mbandu ja kudilonga jala ni mixinda mba ji numelu. O milongi yakambe o mixinda mba ji numelu, yene o milongi yamukwa yala mu mulangidi. Bweta ku milongi i wamesena o kutanga.

• Ndunge yamukwa o kuya ku mbandu “Início,” mu JW Library, anga utala o mbandu “Novidades” ni ukatula o Mulangidi, kyoso kikumoneka mulangidi wa ubhe. Mu kusuluka bweta ku mulangidi u wakatula, ni umone o milongi yoso yalamu. Mu kukayela o jindunge jiji, wandatena kukatula mbote mu milongi yoso yene mukwiza mu mulangidi.