Etu Enyoso Tudibhana ni Maka Alungu ni Kwijiya o Kima Kyawabha ni Kyayibha

Se wandala kuya kididi nuka wele-ku, ihi iwanda bhanga?

1. 1. Wandaila mu njila iwamufika kwila yene mwene o njila yatokala.

2. 2. Wanda kayela ngó o athu mu kudyelela kwila ene ejiya kyá o njila.

3. 3. Wanda sota mapa mba wanda bhinga kikwatekesu ku dikamba wamudyelela, wejiya kyá o njila.

Se ukayela o ndunge yadyanga mba ya kayadi, nange kwanda bhixila bhu kididi bhu wamesena o kuya. Maji se tukayela o ndunge ya katatu, sé phata twanda bhixila bhu kididi bhu twamesena.

O mwenyu wetu wadifu ni kwenda njila, ó njila yanda twambata ku mwenyu wasanguluka. Phala kubhixila-ku twatokala kusota kikwatekesu bhu kididi kyatokala, se kana, kitwanda tena kubhixila-ku.

Ima yavulu itusola ku mwenyu wetu kiyala ni valolo yavulu, maji sayi ima yamukwá yala ni valolo yavulu. Yene ilondekesa o ima ituxikina kwila yawabha mba yayibha. O ima itwanda sola itena kutuluwalesa mba kutusangulukisa, mba kuluwalesa ni kusangulukisa akwetu. O ima yiyi yalungu ni maka ala ku lwiji:

• Diyala ni muhatu kuzeka kumoxi, ni ukaza

• Kuzwela o kidi ni kudituna o kunyana, salu ni kitadi

• Kyebhi kitutokala kusasa o twana twetu?

• Kyebhi kitutokala kutalatala o athu?

Kyebhi o ima i wanda sola yalungu ni maka enyá, yanda kusangulukisa ni kusangulukisa o mwiji wé ku hádya?

O kibhwidisu kitwatokala kudibhanga kyenyiki: Ihi yanda ngikwatekesa kusola o ima yambote ni kudituna o ima yayibha?

O Mulangidi yú ujimbulula se mukonda dyahi tutena kudyelela mu ima ilonga o Bibidya yalungu ni kyawabha ni kyayibha, kyebhi yene itena ku kukwatekesa