Kukolokota Kyoso Kya Tutalatala Kyayibha

Tanga Dimatekenu 37:​23-28; 39:​17-23 phala kudilonga o musoso wa Zuze, wa kukolokota kyoso kyamutalatala kyayibha.

Xinganeka mu maka enya. Mukonda dyahi Zuze amutalatala sé kuyuka? (Dim. 37:​3-11; 39:​1, 6-10) Thembu kuxi Zuze wadibhana ni maka alungu ni kukamba o kuyuka? (Dim. 37:2; 41:46) Ku mivu yoso yiyi ihi yabhange Jihova kwa Zuze ni ihi yakambe o kubhanga?—Dim. 39:​2, 21; w23.01 17 13.

Milongi ya zongo. O Bibidya ki izwela kwila Zuze wadizokela mu ima ya mutatela o muhatu wa Potifale. Mukonda dyahi o Bibidya izwela kwila Zuze wasolo kudixibha, mba mukonda dyahi kitubhingi kwijiya yoso yabhiti? (Jisa. 20:2; Nzw. 21:25; Ika. 21:37) Idifwa yebhi ya kwatekesa Zuze ku kolokota?—Mik. 7:7; Luk. 14:11; Tiy. 1:​2, 3.

Tumone o madisá. Dibhwidise:

• ‘Kuma ngi dixibulu dya Jezú, ngi kingila kungitalatala mu ukexilu webhi?’ (Luk. 21:​12, 16, 17; Jih. 10:​33, 34)

• ‘Kyebhi ki utena ku dipelepalala kindala phala o izukutisu?’ (Jisá. 62:​7, 8; 105:​17-19; w19.07 2-7)