Nanyi o Kibuka kya Utuminu Kya Jimbangi ja Jihova?

O Kibuka kya Utuminu, kibuka kyofele kya jikidistá jakulu mu nzumbi kyendesa o kikalakalu kya Jimbangi ja Jihova ku mundu woso. O kikalakalu kyawu kyalungu ni ima iyadi:

• O kusokejeka o milongi yoso itwene mutambula bhukaxi ka madivulu metu, yônge, ni mu jixikola ja Jimbangi ja Jihova.—Luka 12:42.

• Kilanga o kikalakalu kya Jimbangi ja Jihova ku mundu woso, kala o kikalakalu kya kuboka ni kitadi kyene musangela o athu.

O Kibuka kya Utuminu kyene mu kayela o phangu yaxisa o “jipoxolo ni tufunga” mu Jeluzaleme mu hama yadyanga, exile mu batula o maka oso exile mu moneka mu kilunga. (Ikalakalu 15:2) Kala o mayala enya afiyele, o jiphange abhanga mbandu mu Kibuka kya Utuminu ki jingana kya kilunga kyetu kana. Ene asota o kitendelesu kya Bibidya, axikina kwila Jihova Nzambi mwene wasolo Jezú Kidistu kala Mutwameni wa kilunga.—1 Kolindu 11:3; Efezu 5:23.

A Nanyi Abhanga Mbandu ku Kibuka kya Utuminu?

O jiphange abhanga mbandu ku kibuka kya utuminu enya: Kenneth Cook Jr., Gage Fleegle Samuel Herd, Geoffrey Jackson, Jody Jedele, Stephen Lett, Gerrit Lösch, Jacob Rumph Mark Sanderson, Gage Fleege, Jeffrey Winder ni David Splane. O jiphange jiji akalakala mu mbonge yetu ku Warwick, ku Nova York, ku Estados Unidos.

Kyebhi Kyadisokejeka o Kibuka Kya Utuminu?

O Kibuka kya Utuminu kyadisokejeka mu ibuka isamanu phala kulanga o ikalakalu yoso ku mundu, kala phange watokala ku kibuka kya utuminu ubhanga mbandu mba wala kupholo ku kibuka kimoxi mba ibuka yamukwa.

• Kibuka Kilanga o Ibhindamu ya Akwa Betele: O kibuka kiki kyala ni kikalakalu kya kulanga mu ukexilu wa nzumbi ni wa xitu o mwiji wa Betele ku mundu woso.

• Kibuka Kya Edika: O kibuka kiki kilanga o kikalakalu kya kubhanga ni kutumikisa o madivulu metu mu jixi joso ni kikalakalu kya kutunga jifiliyale, Ididi ya Ubhezelu, ni Ididi ya kulungulula o madivulu metu.

• Kibuka kya Kulonga: O kibuka kiki kilanga o milongi ene mu ilonga mu yônge, o kibuka kiki kilanga we o kikalakalu kya kubhanga o milongi yongalavale ni jividyu, kisokejeka we o Xikola ja Jimbangi ja Jihova.

• Kibuka kya Sidivisu: O kibuka kiki kilanga o ibhindamu yoso yalungu ni kikalakalu kya kuboka o njimbu “yambote ya Utuminu wa Nzambi.”—Matesu 24:14.

• Kibuka kya Kusoneka: O kibuka kiki lamba o kudya mu nzumbi ni ku kusoneka mu madivulu phala o jiphange joso ku mundu, kilanga we o kikalakalu kya kulungulula mu jixi joso.

• Kibuka Kya Tufunga Twala ku pholo: Kyoso ki kumoneka maka, o kibuka kiki kisola o jiphange andadizwelesa ni jinguvulu ni afundixi ni kujimbulula o ilongesu yetu ku athu bhukaxi ka mitelembe mba jurnale. O kibuka kiki kikwatekesa we o jiphange ku mundu woso abhita mu mavuwa, mu izukutisu ni mu ibhidi ya mukwá.

Katuku o kikalakalu kyene mubhanga bhukaxi ka ibuka yiyi, o Kibuka kya Utuminu ene mu dyongeka semana joso phala kumona o ibhindamu ya kilunga. Mu yonge yiyi o jiphange jiji jene mutokwesa ni kukayela izwela o Bibidya, ni kweha o nzumbi ikola ya Nzambi kwa endesa phala kubatula kyambote o maka.—Ikalakalu 15:25.

Ananyi o Akwatekexi a Kibuka Kya Utuminu?

O mayala afiyele ene mukwatekesa o ibuka isamanu ya Kibuka kya Utuminu. (1 Kolindu 4:2) Ene ejiya kyambote o kikalakalu kya kibuka wene mukalakala, ene mukala we mu yônge yoso ya jisemana ya ibuka ya. O akwatekexi kene mu batula o maka amoneka, maji abhana jindunge jene mukwatekesa o ibuka yoso kubatula o maka, o kyoso kya batula o maka ene atonginina kyebhi kya mukwenda o ima. O Kibuka kya Utuminu kyatena kusola o mayala enya phala kukunda o jiphange ku mundu woso, kubhanga madiskulusu mu yônge kala o yônge ya muvu ni mu yônge yene mubhita mu disukilu dya xikola ya Ngiliyade.