Mbote Iahi i tu Katula mu Kudiongeka ni Makamba a Jikidistá?

Né muene se kubhinga kubhanga njila mu kikangalakata mba o kithangana ki kiala kiambote, maji tuia muene mu iônge. Sumbala ni ibhidi ni kubhuila kioso ki zumbuka ku salu, mukonda diahi o Jimbangi ja Jihova a bhanga nguzu ia kudiongeka kumoxi ni jiphange jâ mu nzumbi?

Phala o mbote ietu. “Tu di xinganekienu mudietu,” ua soneka Phaulu, mu kuzuela kua ió a diongeka n’etu mu kilunga. (Jihebeleu 10:24) O kizuelu kiki, kilombolola “kubanza kiambote” mu kuijiia kiebhi kiala o akuetu. Mu kiki, o izuelu ia poxolo i suínisa kuila tua tokala kuxinganeka akuetu. Kuijiia miji iéngi ia Jikidistá, tua-nda kuijiia kuila saí iá a dibhana kiambote ni ibhidi kála etu, ni ku tu kuatekesa ku di tunda kiambote.

Kubhanga makamba a kidi. Mu iônge ietu, ki tu diongeka ngó ni athu, maji tu diongeka kala tu makamba. Mu ithangana ia mukua, tu kala kumoxi mu itonokenu iambote. Mbote iahi i tu katula mu ukamba iú? Tu di longa ku di zola dingi mudietu, ni kukolesa o henda ietu. Mu kiki, kioso o jiphange jetu kia dibhana ni maka, etu tua kuatekesa ni lusolo, mukonda tuala ni ukamba uambote. (Jisabhu 17:17) Kudiongeka kumoxi ni jiphange joso mu kilunga kietu, kulondekesa kuila tu ‘di kuatela ni muanu mudietu.’​—⁠1 Kolindo 12:25, 26.

A tu suínisa kusola o makamba metu, bhu kaxi ka ió a bhanga o vondadi ia Nzambi. Eie ua-nda sanga dingi makamba ambote bhu kaxi ka Jimbangi ja Jihova. Tua ku dióndo, kana kuehela kima ki kufidisa kudiongeka kumoxi n’etu.

• Mukonda diahi tu katula mbote, mu kudiongeka kumoxi mu iônge?

• Kizuua kuxi ki ua mesena kuijiia o kilunga kietu?