Ku Bandekesa o Uhete Uetu mu Ukunji—Mu ku Xisa Kibhuidisu Phala ku Kunda Dingi

Mukonda Diahi Kima Kiambote ku Bhanga Kiki: Kioso ki tu sanga muthu, ulondekesa kuila ua mesena kuijiia dingi, tu mesena ku mu kunda dingi phala ku tekela o mbutu ia kidi i tua kunu. (1 Kol. 3:6) Phala ku bhanga kiki, tua tokala ku xisa kibhuidisu ande dia kuia, phala kuijiia ihi i banza o mukua dibhata, kioso ki tua-nda mu kunda dingi. Kima kiambote ku xisa kibhuidisu, phala ku ki tambuijila mu kizuua kiéngi. Ku bhanga kiki, ku bhangesa o muthu ku kala dingi ni vondadi ia ku mu kunda, sé o kitambuijilu kiala mu divulu di tua mu bhana, nange o mukua dibhata u mesena ku tanga ni ku sota o kitambuijilu. O ku xisa kibhuidisu, phala ku kunda dingi, ki kuatekesa o muboki mukonda o muthu uejiia kiá o kibhuidisu, o mukua dibhata u kala ni hanji ia kuijiia o kitambuijilu. Kioso ki tu mu kunda, tu mu jimbulula kuila tueza phala ku tambuijila o kibhuidisu ki tua xisa.