MILONGI YA 5

Kutanga Kyambote

1 Timote 4:13

IHI I WA TOKALA O KUBHANGA?: Tanga o izwelu kala kya isoneka, ni dízwi dya swina.

Dipelepalale kyambote. Xinganeka se mukonda dyahi a soneka o izwelu i wa mu tanga. Fikisa kutanga izwelu yavulu kumoxi mu veji dya kutanga kizwelu ni kizwelu. Aluka phala kubandekese izwelu, kukatule izwelu, mba kubhilula izwelu. Belesela o ijimbwete i moneka kàla: o jivirgula, jipondo ni ijimbwete yamukwa.

Bhinga kikwatekesu ku dikamba kyoso ki wa mu tanga o jivelusu mu ku dipelepalala, n’a kukayele ni kukulondekesa o izwelu i wa tange kyayibha.
Tumbula kyambote o maba moso. Se u mona kwila sayi diba ki wejiya kyebhi kya di tumbula, sota-dyu mu dixonadyu, ivwa o madivulu metu o ngalavale, mba bhinga kikwatekesu ku muthu u tanga kyambote.
Zwela mu ukexilu wa bhebhuluka. Tumbula kyambote o izwelu, imika o mutwé, jikula kyambote o dikanu. Bhanga nguzu phala kutumbula o jisilaba joso.

Tumbula kyambote o izwelu, maji u i tumbula kala ki wene mu zwela.