MILONGI YA 4

Kulombolola Ande Dya Kutanga o Velusu

Matesu 22:41-45

IHI I WA TOKALA O KUBHANGA?: Pelepalala o mixima ya jingivwidi ande dya kutanga. Kwatekesa o jingivwidi kumona o valolo ya velusu.

Xinganeka se mukonda dyahi wa-nda tanga o velusu. Lombolola o velusu ande dya kutanga phala kukwatekesa o jingivwidi kutonginina kyambote o pondo i wa mesena kujimbulula mu velusu.

Xinganeka o jivelusu kudima ni jivelusu kupholo. Kyoso ki wa mu jimbululula o velusu ande dya kutanga bhanga yoso phala kutumbula nanyi wa zwela mba wa soneka o velusu i wa-nda tanga.
Londekesa kwila o ima i wa mu zwela ya tundu mu Bibidya. Mu kuzwela ni muthu u xikina Nzambi, mu kwatekese kumona kwila o i wa mu zwela ya tundu mu Bibidya. Mu kubhanga kiki wa-nda londekesa kwila o unjimu woso u tunda mu Mak’â Nzambi.
Zwela ima i bhangesa o muthu kumesena kutanga mwene o velusu. Bhanga kibhwidisu a-nda ki tambwijila mu velusu i wa-nda tanga. Tumbula maka u tena kwa batula kyoso ki wa-nda tanga o velusu, mba tumbula kitumu a-nda kilombolola mu jivelusu ji wa-nda tanga.

Dibhwidise: Mu maka mba velusu i nga-nda tanga ihi i yejiya kyá o jingivwidi jé? Mu kulombolola velusu a ijiya kyá ku athu; bhanga kiki mu ukexilu u bhangesa o jingivwidi kumesena kwijiya dingi, kwatekesa we o jingivwidi kutendela dingi kyambote o velusu, mba ku i tendela mu ukexilu wa ubhe.