MILONGI YA 16

Kuswinisa Akwenu

Jobe 16:5

IHI I WA TOKALA O KUBHANGA?: Di kwatenene mu kima kya-nda kwatekesa o jingivwidi kubatula o maka. Swinisa o jingivwidi kukala ni kidyelelu, kana kudikwatenena mu maka.

KYEBHI KI WA TOKALA O KUBHANGA:

Tala o jingivwidi jé mu ukexilu wambote. Dyelela kwila, o jiphange jé a mesena kusangulukisa Jihova. Né mwene se kubhinga kubazela, sota ku a ximana ni muxima woso.

Wa tokala kuzwela ni henda, kana kuzwela kala wa thathamana. Olela, phala kukwatekesa o jingivwidi jé kwijiya kwila, wa a ejiya kyambote, ni kwila a tena ku kudyelela.
Kana kutumbula kyavulu maka ayibha. Tumbula ngó maka ayibha mu diskulusu dyé, se u mona kwila, a-nda kwatekesa o jingivwidi kutendela kima. O ukexilu wé wa kubhanga o diskulusu wa tokala kuswinisa akwenu.
Jimbulula kyambote o dyambu bhu kaxi ka Mak’a Nzambi. Zwela o ima ya bhange kyá Jihova, ya mu bhanga lelu ni ya-nda bhanga ku hádya phala o athu. Swinisa, kolokotesa o jingivwidi jé.