IBHUIDISU IA BIBIDIA IO TAMBUIJILE
Mukonda diahi Nzambi ua bhange o ixi?
O ixi a i bhange phala ku kala kididi kia ku sanguluka phala o athu
O ixi a i bhange muene phala ku kala-mu athu. Iala ni menha a nzungule, a tokala phala o muthu ku kala ku muenhu. O divunga dia ixi ni u nhunginu uê dia tokala muene phala o menha a kalunga ka di kuate kala matadi a mvula mba ku fuluka kala imbia iala bhu jiku. O ima ioso iene mu ixi kala o mixi ni iama, madiuanu a dikota. O kuma ku langa o ixi ku muanha ua tu kiavulu. Mukonda dia kiki, athu avulu ene mu zuela kuila o ixi ietu a i bhange muene phala ku kala-mu athu.—Tanga Izaia 45:18.
Maji nange u dibhuidisa: ‘o kuila a i bhange ué phala ku kala-mu hadi ni kuiibha?’—Tanga Matendelelu 32:4, 5.
O kuila o vondadi ia Nzambi ia lungu ni ixi ia-nda di kumbidila?
O ixi a i bhange phala ku kala kididi kia iuka phala o athu a di zolo mudiâ ku kala-mu ni ku zola o Mubhangi uâ. Kienhiki, o muenhu ua muthu ua beta ku kala ni valolo, o ua iama ni mixi ndenge. Etu tu tena kuijiia o Mubhangi uetu, tu tena ku ximana ni ku kaiela o henda iê ni ku iuka.—Tanga Ndongixi 12:13; Mikeia 6:8.
O Mubhangi uetu u tena ku bhanga ioso ia mesena muéne o ku bhanga. Kienhiki, tu tena ku dielela kuila muéne ua-nda zubha o hadi ni kuiibha ni ku bhangesa o ixi ku kituka kididi kia iuka, kia ku sanguluka phala o athu.—Tanga Jisálamu 37:11, 29; Izaia 55:11.