Зарʹа Һини Мьлуктийе Бькьн

ЧӘТЬНАЙИ

• Кöрʹе тә йәки бәрзәq ә, у әв һе 10 сали йә!

• Әw һивийе йә кö һәр кәс һьндава wида öса бьн, ча йәки муһим.

Дьбә кö тö бәрхwәдькʹәви «Гәло, чьма әв öса дькә? Әз дьхwазьм wәки әw хwә баш тʹәхмин кә. Ле әз нахwазьм, кö әw бьфькьрә wәки жь йед дьнена баштьр ә!»

Гәло ле әм дькарьн зарʹа һини мьлуктийе бькьн, у кö әwана чʹәʹве хwәда жи ньмьз нәбьн?

ТÖ ЧЬ ГӘРӘКЕ БЬЗАНЬБИ

Wан дәсалийада, де-бав һʹәму хwәстәкед зарʹед хwә танин сери; wана гәләк пʹайе wан дьда, һәла һәрге зарʹ һежайи пәсна нибун жи; де-бав хwә дур дьгьртьн кö зарʹед хwә рʹаст кьн у ширәт кьн. Ль гора леколинәки һатә кʹьфше, кö һәрге де-бав зарʹарʹа öса дьдьнә кʹьфше, wәки әwана йәки мәхсус ьн, һәмьки әwана wе гәләк хwәһʹьз бьн. Ахьр чь бу? Ль кʹьтеба «Generation Me» те готьне: «Дәwса кö зарʹа рʹаст мәзьн кьн у wәки әwана бәхтәwар бьн, де-бав һьндава wанда öса хwә кʹьфш дькьн, кö саз дькьн әʹскәрәки бабах йед кö хwә гьринг һʹәсаб дькьн».

Гәләк зарʹ öса мәзьн бунә, кö нә жи wана һазьр кьрьн бона чәтьнайед ахьрийе, бона критике у изьн нәдайине. Чахе зарʹа öса мәзьн дькьн, кö дина wан тʹәне ль сәр хwәстәкед wан бә, ль ахьрийе чахе әwана мәзьн дьбьн, wанарʹа чәтьн дьбә һәләqәтийа баш тʹәви кәсәки хwәй кьн. Гәләка жь wан дьчәрчьрьн жь бо хәмгинийе у дьлтәнгийе.

Зарʹ хwәрʹази дьбьн, нә кö чахе wанарʹа дьбежьн кö әwана мәхсус ьн, ле чахе wана тьштәк кьр у щәм wана рʹьнд дәркʹәт. Вьра нә кʹö тʹәне лазьм ә хwә баwәр бьки, ле һе зедә бьки. Әwана гәрәке һин бьн, фәрәсәтед хwә һе баш кьн у рʹьнд бьдьнә хәбате (Мәтʹәлок 22:29). Зарʹ öса жи гәрәке хәмед мәрьвед дьн һьлдьн һʹәсаб (1 Корьнтʹи 10:24). Бона ве йәке мьлукти лазьм ә.

ТÖ ЧЬ ДЬКАРИ БЬКИ

Һьнге пʹайа бьдә чахе зарʹ бь рʹасти һежайи йә. Һәрге qиза тә дәрсед мәкʹтәбе рʹьнд тʹәсмил кьр, пʹайе wе бьдә. Һәрге әw дь мәкʹтәбеда нишана кем станд, дәрбера дәрсдар нәһәq нәкә бона ве йәке. Әв йәк wе али qиза тә бькә, кö мьлуктийе һин бә. Али wе бькә бьвинә, кö чаwа щарәкә дьн әw дькарә даһа рʹьнд бькә. Тʹьме бона кьред баш пʹайа бьдә.

Ширәт кә чахе лазьм ә. Әв найе һʹәсабе, wәки тö гәрәке һәма сәва һәр шашийа, зарʹа хwә нәһәq ки (Колоси 3:21). Ле һәмьки һәрге әw шашийед гьран бәрдьдә, тö гәрәке ле ширәт ки. Һьнге жи ле ширәт кә, һәрге әw ньһерʹандьна нәрʹаст дьдә кʹьфше. Чьмки һәрге тö зарʹ ширәт нәки, әw wе ида һини ве йәке бә.

Мәсәлә, тö тедәрдьхи wәки кöрʹе тә һʹьз дькә пʹайе хwә бьдә. Һәрге тö ле ширәт нәки у рʹаст нәки, әwе бьбә йәки бабах у хwәһʹьз. Ләма жи зарʹа хwәрʹа шьроwәкә, кö хwәпʹайидайин, нәбаш ә у öса зарʹ дькʹәвә дәрәщәки чәтьн (Мәтʹәлок 27:2). Öса жи шьроwәкә, кö һәрге щәм мәрийа ньһерʹандьна рʹаст һәйә, wирʹа нәлазьм ә гьшкарʹа бькә гази, wәки чь фәрәсәтед wи һәнә. Һәрге wи щурʹәйи бь һʹьзкьрьн зарʹа ширәт кьн, әwана wе бьбьнә мьлук у жь хwәһʹьзийе хwә дур бьгьрьн; Ль сәр һʹиме принсипа Кʹьтеба Пироз: (Мәтта 23:12)

Зарʹа хwә бона жийина реали һазьр кә. Һәрге һәр хwәстәкед зарʹоке биньн сери, әwе бьфькьрә кö тʹьме рʹаст дькә. Бәʹса хәбәре, һәрге зарʹа тә дьхwазә тьштәки чь кö тö нькари бькʹьри, wирʹа шьроwәкә кö чьма һун алийе пʹәрада һьнәк синоркьри нә. Һәрге wә сафи кьр нәчьн тʹатиле йан щики һеса бьн, wе баш бә зарʹерʹа шьроwәки wәки тьштед öса щарна дьбьн. У ве дәрәщеда дькари тʹәви зарʹе шеwьр ки, кö чаwа сәри жь wан хәмгинийа дәрхьн. Дәwса кö бона һәр чәтьнайа зарʹа хwә рʹәзил кьн, wе баш бә әw һазьр кьн кö бькарьбә һьнә чәтьнайада тәйах кә; Ль сәр һʹиме принсипа Кʹьтеба Пироз: (Мәтʹәлок 29:21).

Һелан кә. Зарʹа хwәрʹа зәлал шьроwәкә, кö «хwәзи ль дайийа, нә кö ль стандийа» (Кʹаред Шандийа 20:35). Чь щурʹәйи? Тʹәвайи һун дькарьн хwә һазьр кьн у бьньвисьн наве wан мәрийа, кʹижанарʹа кö аликʹари лазьм ә. Мәсәлә кö тʹәви wан һәрʹьн махазийе тьштәк бькʹьрьн, бь авте wана бьвьнә щики йан жи тьштәки мала wанда чекьн. Wе дәме зарʹа хwә тʹәви хwә һьлдә, wәки әw бьвинә кö чаwа тö аликʹарйе дьди. Бьра зарʹа тә бьвинә, wәки чахе тö бона йед дьнена хәм дьки, әв йәк чаwа шабуна тә зедә дькә у ләзәте тәрʹа тинә. Öса те бькарьби гәләк баш зарʹа хwә һини мьлуктийе бьки; Ль сәр һʹиме принсипа Кʹьтеба Пироз: (Луqа 6:38).