Хәйсәт-Һʹӧнӧред Баш Нав Мәрьвада Бьвинә
Проблем
Хԝәһʹьзи мәрьва бәрбь нәфрʹәткьрьне дьбә. Мәрьве хԝәһʹьз дәрһәԛа хԝә һе зедә дьфькьрә у хԝә сәр мәрьвед дьнрʹа дьгьрә. Әԝ мәрьвед кӧ жь ԝи щӧдә дьбьн, ньмьз һʹәсаб дькә. Һәр кәс дькарә бькʹәвә ԝе тʹәльке. Кʹьтеба «Encyclopedia Britannica» дьбежә: «Һʹәчʹи зәʹф мьләт култура хԝә, щурʹе жийина хԝә, хԝарьн у кʹьнщхԝәкьрьна хԝә, баԝәрийа хԝә, әʹйд-ԛәйдед хԝә у тьштед дьн жь йед мьләтед майин четьр һʹәсаб дькьн». Ча әм дькарьн хԝә жь ньһерʹандьна ԝи щурʹәйи дур бьгьрьн?
Принсипа Кʹьтеба Пироз
«Жь ԝә һәр йәк бь мьлуктийе һәвале хԝә сәр хԝәрʹа бьгьрә» (ФИЛИПИ 2:3).
Әв гьли чь тенә һʹәсабе? Лазьм ә мьлуктийе нав хԝәда пешда биньн, ԝәки ԛӧрʹәбуне жь дьле хԝә дәрхьн. Мьлукти али мә дькә тедәрхьн кӧ һьнә тьштада мәрьвед дьн жь мә четьр ьн. Тʹӧ кʹома мәрьвед ӧса тʹӧнәйә, йед кӧ һʹәму алийава фәрәсәт у һʹӧнӧред ԝанә баш һәбьн.
Дина хԝә бьдьн мәсәла Стефан. Әԝ ԝәлатәки Комунистида дьжит, ле карьбу нәфрʹәтийе һьндава мәрьвед жь ԝәлатед Нәкомунисти, жь дьле хԝә дәрхә. Әԝ дьбежә: «Әз баԝәр ьм, ԝәки чахе тӧ мәрьвед дьн сәр хԝәрʹа дьгьри, әԝ йәк али тә дькә кӧ нәфрʹәтийе жь дьле хԝә дәрхи. Әз һәр тьшти ньзаньм, ле жь һәр мәрьвәки дькарьм тьштәки һин бьм».
Чь Дькари Бьки
Ԛәԝате бьдә хәбате сәва кӧ һьндава хԝәда ньһерʹандьна рʹаст хԝәйи ки у дәрһәԛа кемасийед хԝә бир нәки. Ԛәбул кә, ԝәки һәнә һьнә тьшт, кӧ мәрьвед дьн тә четьр дькарьн бькьн. Нәфькьрә кӧ кемасийед һʹәму мәрьвед кʹомәке, мина һәв ьн.
Дәԝса кӧ һьндава мәрьвада ньһерʹандьна хьраб пешда бини, жь хԝә бьпьрсә:
Ԛәбул кә, ԝәки мәрьвед дьн ԝи алида ԛәԝи нә, чьда кӧ тӧ сьст и
«Гәло рʹасти әԝ һʹӧнӧред ԝи мәрьви кӧ мьн хԝәш найен, хьраб ьн йан әԝ тʹәне жь һʹӧнӧред мьн щӧдә дьбә?»
«Ле әԝ мәрьв нькарә нав мьнда кемасийа бьвинә?»
«Чьда әԝ мәрьв жь мьн баштьр ә?»
Һәрге тӧ бь дьле сах щаба ԝан пьрса бьди, тӧйе нә кӧ тʹәне нәфрʹәтийе жь дьле хԝә дәрхи, ле тӧйе ӧса жи нав мәрьвада тьштед ӧса бьвини, сәва чь жи ԝана ԛимәт ки.