Избатийа Пебьһʹәсә
«Гәрдун хԝә бь хԝә һатийә әʹфьрандьне.» (Гьлийе дӧ зандара бь наве Стивьн Һоукинг у Леонард Млодинов, сала 2010).
«Хԝәде әʹрд у әʹзман әʹфьрандьн.» (Гьлийе жь Кʹьтеба Пироз, Дәстпебун 1:1).
Гәло гәрдун у жийина сәр ԝе, Хԝәде әʹфьрандийә йан әԝ хԝә бь хԝә һатә әʹфьрандьн? Гьлийе ԝан дӧ зандара дәрһәԛа кʹижани кӧ жоре һатийә готьне у гьлийе пешьнә жь Кʹьтеба Пироз, бь тʹәмами жь һәв щӧдә дьбьн. Әв һәрдӧ зандар гьлийе хԝәда гәләк баԝәр ьн. Ле һәнә гәләк мәрьв, кӧ ве йәкеда дӧдьли нә. Кʹьтебед бәлабуйида у бәрнамед телевизийонеда ньһерʹандьна мәрийа дәрһәԛа ве тʹемайе мьԛабьли һәв ьн.
Дьԛәԝьмә дәрсдаред тәйи мәкʹтәбе бе дӧдьлибун дьготьн, ԝәки гәрдун у жийина сәр ԝе, хԝәха пешда һатьнә, у кӧ Хԝәде тʹӧнә. Ле ԝана тәрʹа избат дькьр, ԝәки Әʹфьрандар тʹӧнә? Хенщи ԝе йәке, сәрԝеред религийа һин дькьн, ԝәки Әʹфьрандар һәйә. Ле әԝана әве йәке избат дькьн? Йан әԝана бе избаткьрьн тә һелан дькьн, кӧ чʹәʹвгьрти баԝәрийа хԝә гьлийе ԝан бини?
Дьԛәԝьмә әв пьрс щәм тә жи пешда те у тӧ дьфькьри, ԝәки тʹӧ кәс нькарә избат кә кӧ Әʹфьрандар һәйә йан на. У дьԛәԝьмә пьрсәкә дьн жи щәм тә пешда те: «Гәло әʹсәйи йә щаба ве пьрсе бьстиньн?»
Ве журналеда һьнә избаткьрьн тенә дайине, кʹижан кӧ гәләк мәрийа һелан дькьн, ԝәки баԝәр бькьн кӧ Әʹфьрандар һәйә. Ԝе ӧса жи бе шьровәкьрьне, кӧ чьма фәрз ә пебьһʹәсьн, ԝәки жийин ча пешда һатийә.