Әʹмьр Ча Дәстпебу?

Хԝәде «канийа жийане» йә (Зәбур 36:9). Тӧ ве йәке баԝәр дьки? Һьнә мәрьв дьфькьрьн кӧ әʹмьр ньшкева хԝә бь хԝә пешда һатийә. Һәрге әԝ йәк рʹаст ә, демәк жийина мә жи ньшкева дәстпебуйә. Ле һәрге Йаһоԝа Хԝәде канийа жийине йә, демәк нета әʹмьр жи һәйә, ӧса нинә?a Дина хԝә бьде Кʹьтеба Пироз дәрһәԛа канийа жийине чь дьбежә у чьрʹа дькарьн әве йәке баԝәр кьн.

1. Гәрдун ча һатийә әʹфьрандьне?

Кʹьтеба Пироз дьбежә: «Дәстпебунеда Хԝәде әʹрд у әʹзман әʹфьрандьн» (Дәстпебун 1:1). Һʹәчʹи зәʹф жь зандара жи дьбежьн, кӧ дәстпека гәрдуне һәбу. Гәло Хԝәде чаԝа әԝ әʹфьрандийә? Әԝи рʹӧһʹе пироз, демәк ԛәԝата хԝә да хәбате, сәва кӧ һәр тьштед сәр гәрдуне бьәʹфьринә, мәсәлә галакси, стәйрк у планета (Дәстпебун 1:2).

2. Чьма Хԝәде әʹрд әʹфьрандийә?

Йаһоԝа, Хԝәдайе кӧ әʹрд әʹфьрандийә «ԝе ль валаһийе нәафьрандийә» (Ишайа 45:18). Хԝәде әʹрд ӧса баш әʹфьрандийә, кӧ мәрьв бькарьбьн һʹәта-һʹәтайе сәр бьжин (Бьхунә Ишайа 40:28; 42:5.) Зандари избат дькә, ԝәки әʹрд гәләк мәхсус ә у жь планетед дьн щӧдә дьбә, чьмки тʹәне сәр планета мә һәр тьштед кӧ бона жийине лазьм ә, һәйә.

3. Мәрьв жь һʹәйԝана чьда щӧдә дьбьн?

Паши әʹфьрандьна әʹрде, Йаһоԝа жийин сәр әʹрде әʹфьранд. Демәк пешийе әԝи шинкайи у һʹәйԝан әʹфьрандьн. Паше, «Хԝәде мәри дьлԛе хԝәда хӧльԛанд.» (Бьхунә Дәстпебун 1:27.) Гәло мәрьв чьда мәхсус ьн? Әм дьлԛе Хԝәдеда һатьнә әʹфьрандьне, у ләма жи дькарьн мина ԝи һʹьзкьрьне бьдьнә кʹьфше у һәԛ бьн. Әԝи ӧса жи әм ӧса әʹфьрандьнә кӧ әм дькарьн щурʹә-щурʹә зьмана һин бьн, һьм жи жь тьштед бәдәԝ у жь музикайе ләзәте бьстиньн. Әм ӧса жи бь ԝе йәке жь һʹәйԝана щӧдә дьбьн, кӧ дькарьн Әʹфьрандаре хԝә бьһʹәбиньн.

КʹУР ЛЕКОЛИН КӘ

Дина хԝә бьде, кӧ чь избат дькә ԝәки жийин һатийә әʹфьрандьне у чь кӧ Кʹьтеба Пироз дәрһәԛа әʹфьрандьне дьбежә бь логики йә у рʹаст ә. Пебьһʹәсә кӧ һʹӧнӧред мәрьва, дәрһәԛа Хԝәде чь мә һин дькьн.

4. Жийин һатийә әʹфьрандьне

Мәрьв пәсьна дьстиньн, чахе жь тʹәбйәте идейед тʹәзә һьлдьдьн у тьшта чедькьн. Ле бона әʹфьрандьна тʹәбийәте бь рʹасти кʹи һежайи пәсьна йә? Вехә ВИДЕО, у паше әве пьрсе шеԝьр кә:

ВИДЕО: «Баԝәри Һьндава Хԝәде» (2:43)

• Мәрьв кʹижан дизайнед тʹәбйәте һьлдьдьн, кӧ тьшта чекьн?

Һәр маләк бь дәсте йәки те чекьрьне. Ле гәло кʹи һәр тьштед тʹәбийәтеда әʹфьрандийә? Бьхунә Ибрани 3:4, у паше ван пьрса шеԝьр кә:

• Тʹәбийәтеда дьһа зәʹф кʹижан әʹфьрин тә хԝәш тен?

• Гәло бь логики йә баԝәр кьн, ԝәки гәрдун у һәр тьштед дьн, һатьнә әʹфьрандьне? Чьма?

Ԝә заньбу?

Һьнә готар у видео ве тʹемайева гьредайи, тӧ дькари сәр малпәра jw.org, ван пʹарада бьвини: «Гәло Әԝ Йәк Кәсәки Әʹфьрандийә?» у «Ньһерʹандьн Дәрһәԛа Дәстпека Жийине.»

«Фәʹмдари йә, һәр маләк бь дәсте йәки те чекьрьне, ле йе һәр тьшт әʹфьрандийә, Хԝәде йә»

5. Чь кӧ Кʹьтеба Пироз Дәрһәԛа Әʹфьрандьне Дьбежә, әв рʹаст ә у бь логики йә

ВИДЕО: «Гәло Гәрдуна Мә Ча Пешда Һат?»; Пʹарәк (3:51)

• Гәло Кʹьтеба Пироз һин дькә, ԝәки әʹрд у жийин нава 24 сьһʹәтада һатьбун әʹфьрандьне?

• Ча тӧ дьфькьри шьровәкьрьна Кʹьтеба Пироз дәрһәԛа әʹфьрандьне бь логики у рʹаст ә? Чьма әре, йан жи чьма на?

Бьхунә Дәстпебун 1:1, у паше ве пьрсе шеԝьр кә:

• Зандари дьбежә ԝәки дәстпека гәрдуне һәбу. Гәло гьлийе зандара у чь кӧ тә һежа жь Кʹьтеба Пироз хԝәнд, һәв дьгьрә?

Һьнә мәрьв дьбежьн, ԝәки Хԝәде бь сайа еволусийайе жийин әʹфьрандийә. Бьхунә Дәстпебун 1:21, 25, 27, у паше ван пьрса шеԝьр кә:

• Гәло Кʹьтеба Пироз һин дькә, кӧ серида Хԝәде форма жийинейә һеса әʹфьранд, жь кʹижани паше мәʹси, һʹәйԝанед ширмеж у мәрьв пешда һатьн? Йан Кʹьтеба Пироз дьбежә, кӧ Хԝәде һәр әʹфьринәкә бинбәр бь щурʹе ԝан әʹфьрандийә?

6. Мәрьв әʹфринед мәхсус ьн

Әм жь һʹәйԝанед кӧ Йаһоԝа әʹфьрандийә, щӧдә дьбьн. Бьхунә Дәстпебун 1:26, у паше ве пьрсе шеԝьр кә:

• Әԝ йәк кӧ әм дьлԛе Хԝәдеда һатьнә әʹфьрандьне у дькарьн һʹьзкьрьн у мәрʹданийе бьдьнә кʹьфше, дәрһәԛа Хԝәде чь мәрʹа әʹйан дькә?

ТʹӘМАМКЬРЬН

Йаһоԝа гәрдун у һʹәму щурʹә жийин әʹфьрандийә.

Ԝәкʹьландьн

• Кʹьтеба Пироз дәрһәԛа әʹфьрандьна гәрдуне чь мә һин дькә?

• Гәло Хԝәде жь формәкә һеса жийин әʹфьрандийә, йан һәр әʹфьринәкә бинбәр әԝи бь щурʹе ԝан әʹфьрандийә?

• Мәрьв чьда мәхсус ьн?

ҺЕ ЗЕДӘ ПЕБЬҺʹӘСӘ

Пебьһʹәсә дәрһәԛа һьнә тьшта, кʹижан кӧ дьдьнә кʹьфше, ԝәки Әʹфьрандар һәйә.

«Тʹәбийәт Чь Мә Һин Дькә?» («Һʹьшйар Бьн!», Илон 2006)

Бьньһерʹьн кӧ ча бав кӧрʹе хԝәйи бьчʹукрʹа дәрһәԛа әʹфьрандьне шьровәдькә.

«Йаһоԝа . . . Һәр Тьшт Әʹфьрандьн» (2:37)

Пебьһʹәсә кӧ шьровәкьрьна еволусийайе у Кʹьтеба Пироз дәрһәԛа әʹфьрандьне һәв дьгьрьн йан на.

«Гәло Хԝәде бь сайа Еволусийайе Һʹәму Щурʹә Жийин Әʹфьрандийә?» (Готара жь малпәре)

Бьхунә дәрһәԛа леколина зандарийе у һәстуйед кәвьн, кӧ пебьһʹәси һәла жийин һатьбу әʹфьрандьне йан әԝ бь хԝә ньшкева пешда һатийә.

«Канйа Әʹмьр-Пенщ Пьрсед Фәрз» (брошура)