ДӘРСА 25
Ԛьрара Хԝәде Һьндава Мәрьва Чь йә?
Кʹьтеба Пирозда те готьне ԝәки әʹмьре мәрьва кьн ә у бь тәнгасийа тʹьжә йә (Ибо 14:1). Ле гәло Хԝәде жийинәкә ӧса бона мә дьхԝәст? Һәрге на, ле ԛьрара Ԝи бона мә чь йә? Гәло ԛьрара Хԝәде ԝе бе сери? Ԝәрә әм щабед ван пьрса жь Кʹьтеба Пироз пебьһʹәсьн, кʹижан кӧ ԝе дьлбинийе бьдьнә мә.
1. Йаһоԝа бона мә жийинәкә чь щурʹәйи дьхԝазә?
Йаһоԝа жийинәкә лапә баш бона мә дьхԝазә. Чахе Йаһоԝа мәрьвед пешьн, демәк Адәм у Һеԝа әʹфьрандьн, әԝи бахче Еденеда әԝана щиԝар кьрьн. Паше «Хԝәде ԝанрʹа гот: ‹Шин бьн у ль һәв зедә бьн, әʹрде тʹьжи кьн у хԝәйитийе ле бькьн›» (Дәстпебун 1:28). Йаһоԝа дьхԝәст ԝәки зарʹед ԝан һәбьн, тʹәмамийа әʹрде бькьнә щьнәт у пәй һʹәйԝана бьньһерʹьн. Нета ԝи бона мәрьва әв бу, ԝәки сьһʹәт ԛәԝата ԝан беԛьсур бә у әԝана һʹәта-һʹәтайе бьжин.
Рʹаст ә иро әʹмьре мә ӧса нинә,a ле нета Хԝәде нәһатийә гӧһастьне (Ишайа 46:10, 11). Йаһоԝа диса жи дьхԝазә ԝәки мәрьвед гӧһдар һʹәта-һʹәтайе бь әʹмьрәки бәхтәԝар бьжин (Бьхунә Әʹйанти 21:3, 4.)
2. Әм ча дькарьн ньһа жи ләзәте жь әʹмьре хԝә бьвиньн?
Йаһоԝа әм ӧса әʹфьрандьнә кӧ һʹәԝщәтийа мәйә рʹӧһʹани һәбә, демәк хԝәстьна мә һәбә ԝәки дәрһәԛа ԝи бьзаньбьн у ԝирʹа хьзмәт кьн (Бьхунә Мәтта 5:3-6.) Хԝәде дьхԝазә ԝәки тӧ бьби досте ԝийи незик, «һʹәму рʹийед ԝида һәрʹи, ԝи һʹьз бьки» у «бь тʹәмамийа дьле хԝә» ԝирʹа хьзмәт ки (Ԛануна Дӧщари 10:12; Зәбур 25:14). Һәрге әм ӧса бькьн, чьԛас чәтьнайед мә һәбьн жи, йәкә әме диса жи бәхтәԝар бьн. Чахе әм Йаһоԝарʹа хьзмәт дькьн, әм шабуне дьстиньн у нета әʹмьре мә һәйә.
КʹУР ЛЕКОЛИН КӘ
Пебьһʹәсә кӧ Йаһоԝа һʹьзкьрьнәкә чьԛас мәзьн да кʹьфше, гава бона мә әʹрд һазьр кьр.
3. Йаһоԝа дьхԝазә ԝәки әʹмьре мәрьва гәләк баш бә
Вехә ВИДЕО, у паше әве пьрсе шеԝьр кә:
Чьрʹа Хԝәде әʹрд әʹфьранд?
Бьхунә Ԝаиз 3:11, у паше әве пьрсе шеԝьр кә:
Әв йәк чь тә һин дькә дәрһәԛа Йаһоԝа?
4. Нета Йаһоԝа нәһатийә гӧһастьне
Бьхунә Зәбур 37:11, 29 у Ишайа 55:11, у паше әве пьрсе шеԝьр кә:
Әм жь кʹӧ заньн ԝәки нета Йаһоԝа һьндава мәда нәһатийә гӧһастьне?
Ханийе кӧ һʹаләки хьрабда нә, дькарә бе тʹәзәкьрьне. Бь ви щурʹәйи, һʹале дьнйайе жи дькарә хԝәш бә. Рʹаст ә мәрьва зийан дайә әʹрде, ле Хԝәде ԝе диса әʹрде шен кә бона ԝан мәрьва, йед кӧ ԝи һʹьз дькьн
5. Хьзмәткьрьна Йаһоԝарʹа, шабуне тинә у нета әʹмьр дьдә мә
Занәбуна ве йәке кӧ нета жийине чь йә, мә бәхтәԝар дькә. Вехә ВИДЕО, у паше әве пьрсе шеԝьр кә:
Терумийе чь кʹар станд гава дәрһәԛа нета жийине пеһʹәсийа?
Бьхунә Ԝаиз 12:13, у паше әве пьрсе шеԝьр кә:
Ча әм дькарьн рʹазибуна хԝә бьдьнә кʹьфше сәва ԝе йәке, кӧ Йаһоԝа һаԛас тьшт бона мә дькә?
ДЬБӘКӘ ҺЬНӘ МӘРЬВ ПЬРСӘКӘ ӦСА БЬДЬН: «Нета жийине чь йә?»
Тӧйе ча щаба хԝә бьди?
ТʹӘМАМКЬРЬН
Йаһоԝа дьхԝазә ԝәки әм сәр әʹрде, щьнәтеда, жийина һʹәта-һʹәтайерʹа ша бьн. Ле һәрге әм бь тʹәмамийа дьле хԝә ԝирʹа хьзмәт кьн, әме ида ньһада ләзәте жь әʹмьр бьвиньн.
Ԝәкʹьландьн
Сәре серида ԛьрара Йаһоԝа һьндава Адәм у Һеԝайе чь бу?
Әм жь кʹӧ заньн ԝәки ԛьрара Йаһоԝа һьндава инсанәте нәһатийә гӧһастьне?
Чь ԝе али тә бькә ԝәки нета әʹмьре тә һәбә?
ҺЕ ЗЕДӘ ПЕБЬҺʹӘСӘ
Пебьһʹәсә кӧ чьрʹа әм дькарьн баԝәр бьн, ԝәки бахче Едене бь рʹасти һәбуйә.
«Гәло бь Рʹасти Бахче Едене Һәбу?» («Бьрща Ԛәрәԝьлийе», 1 Чьләйе, 2011)
Пебьһʹәсә кӧ чьрʹа әм дькарьн баԝәр бьн, ԝәки әʹрд ԝе һʹәта-һʹәтайе һәбә.
Пебьһʹәсә кӧ ча әм дькарьн пе аликʹарийа Кʹьтеба Пироз нета әʹмьр бьвиньн.
Пебьһʹәсә кӧ ча мерәк дьфькьри, ԝәки әԝ һʹәму алийада бәхтәԝар ә, ле бь рʹасти ӧса нибу.
a Дәрса дьнда әме пебьһʹәсьн, кӧ чьрʹа ньһа әʹмьре мә ӧса нинә.