Хԝәде Кʹи йә?

Жь дәстпека әʹфьрандьна инсанәте, мәрьв щурʹә-щурʹә хӧдана дьһʹәбиньн. Ле Кʹьтеба Пироз тʹәне дәрһәԛа Хԝәдеки дьбежә, кʹижан кӧ жь һʹәму хӧдана «мәзьнтьр ә» (2 Дирок 2:5). Гәло әԝ кʹи йә? У чьда әԝ жь хӧданед дьн щӧдә дьбә? Ве дәрседа тӧйе пебьһʹәси кӧ әԝ Хԝәде ча хԝә тәрʹа дьдә наскьрьне.

1. Наве Хԝәде чь йә у жь чь те кʹьфше, кӧ әԝ дьхԝазә ԝәки әм ԝи нас кьн?

Хԝәде бь сайа Кʹьтеба Пироз хԝә мәрʹа дьдә наскьрьне. Әԝ дьбежә: «Әз Йаһоԝа мә, наве мьн әв ә» (Бьхунә Ишайа 42:5, 8, ДТʹ.) «Йаһоԝа» наве Ибрани йә, йе кӧ те һʹәсабе «Әԝ Дькә Ԝәки Бьбә». Йаһоԝа дьхԝазә ԝәки әм наве ԝи бьзаньбьн (Дәркʹәтьн 3:15). Әм ве йәке жь кʹӧ заньн? Кʹьтеба Пирозда наве Хԝәде 7 000 щара зедәтьр һатийә ньвисаре!a Наве Йаһоԝа тʹәне наве Хԝәдайе рʹаст ә, йе кӧ «жор ль әʹзмен, жер ль сәр әʹрде» тʹәк ә (Ԛануна Дӧщари 4:39).

2. Кʹьтеба Пироз дәрһәԛа Йаһоԝа чь әʹйан дькә?

Кʹьтеба Пироз дьбежә кӧ тʹәне Йаһоԝа Хԝәдайе рʹаст ә, у әԝ жь һʹәму хӧданед дьн щӧдә дьбә. Гәло чьма? Чәнд мәʹни һәнә. Һʹӧкӧмәтийа Йаһоԝа сәр һʹәму һʹӧкӧмәтийарʹа нә, у тʹәне әԝ ә «йе Һәри Жорьн» (Бьхунә Зәбур 83:18.) Хԝәдайе «Һʹәму Зорайийе» те һʹәсабе ԝәки ԛәԝата ԝи дьгьһиже ԝе йәке бькә, чь кӧ дьхԝазә. Әԝи «һәр тьшт әʹфьрандьн», гәрдун у жийина сәр әʹрде (Әʹйанти 4:8, 11). Йаһоԝа бешьрик у бе һәвал ә, чьмки әԝ тʹьме һәбуйә у ԝе һәбә (Зәбур 90:2).

3. Гәләк сәрнавед Хԝәде һәнә ле тʹәне навәки ԝи һәйә

Сәва кӧ бьвини фьрԛи ортʹа сәрнаве мәрьв у наве ԝи, вехә ВИДЕО, у паше әве пьрсе шеԝьр кә:

ВИДЕО: «Сәрнав Гәләк ьн, ле Нав Йәк ә» (0:41)

• Чь фьрԛи һәйә ортʹа сәрнаве «Хӧдан» у наве ԝийи шәхси?

Кʹьтеба Пироз дьбежә кӧ мәрьв гәләк хӧдана у хӧде дьһʹәбиньн. Бьхунә Зәбур 136:1-3, у паше әве пьрсе шеԝьр кә:

• Кʹи йә «Хԝәдейе хԝәдейа» у «Хӧдане хӧдана»?

4. Йаһоԝа дьхԝазә ԝәки тӧ наве ԝи бьзаньби у бьди хәбате

ВИДЕО: «Гәло Наве Хԝәде Һәйә?»; Пʹарәк (3:11)

• Ча тӧ дьфькьри, Йаһоԝа дьхԝазә ԝәки наве ԝи бьзаньбьн? Чьма?

Йаһоԝа дьхԝазә ԝәки мәрьв наве ԝи бьдьн хәбате. Бьхунә Рʹомайи 10:13 у паше ван пьрса шеԝьр кә:

• Чьрʹа фәрз ә наве Йаһоԝа бьдьнә хәбате?

• Тӧ ча хԝә тʹәхмин дьки гава мәрьв наве тә бира хԝәда хԝәй дькә у дьдә хәбате?

• Йаһоԝа чь сәр хԝә тʹәхмин дькә гава тӧ наве ԝи дьди хәбате?

5. Йаһоԝа дьхԝазә ԝәки тӧ бьби досте ԝи

ВИДЕО: «Мьн Хԝәдайе Рʹаст Дьгәрʹийа» (8:18)

• Чаԝа кӧ жь видео те кʹьфше, занәбуна наве Хԝәде ча сәр Сотене һʹӧкӧм бу?

Пешийа кӧ бьби һәвале кәсәки, тӧ гәрәке наве ԝи йан ԝе бьзаньби. Бьхунә Аԛуб 4:8а, у паше ван пьрса шеԝьр кә:

• Йаһоԝа дьхԝазә ԝәки тӧ чь бьки?

• Занәбун у хәбьтандьна наве Хԝәде ча дькарә али тә бькә ԝәки һе незики ԝи би?

ТʹӘМАМКЬРЬН

Йаһоԝа наве Хԝәдайе рʹаст ә. Әԝ дьхԝазә ԝәки әм наве ԝи бьзаньбьн у бьдьнә хәбате, кӧ бькарьбьн незики ԝи бьн.

Ԝәкʹьландьн

• Йаһоԝа ча щӧдә дьбә жь һʹәму хӧданед дьн, кʹижана кӧ мәрьв дьһʹәбиньн?

• Әм чьрʹа гәрәке наве Хԝәде бьдьнә хәбате?

• Жь чь те кʹьфше кӧ Йаһоԝа дьхԝазә ԝәки тӧ незики ԝи би?

ҺЕ ЗЕДӘ ПЕБЬҺʹӘСӘ

Пенщ мәʹнийа леколин кә, кӧ чьма әм дькарьн баԝәр бьн ԝәки Хԝәде һәйә.

«Гәло Хԝәде Һәйә?» (Готара жь малпәре)

Пебьһʹәсьн кӧ чьрʹа логики йә баԝәр бькьн, кӧ Хԝәде тʹьме һәбуйә.

«Кʹи Хԝәде Әʹфьрандийә?» («Бьрща Ԛәрәԝьлийе» йа 1 Тʹәбахе, 2014)

Пебьһʹәсә ԝәки чьрʹа әм гәрәке наве Хԝәде бьдьнә хәбате, һәрге жи ньзаньн кӧ бәре әԝ нав ча дьготьн.

«Йаһоԝа Кʹи йә?» (Готара жь малпәре)

Гәло фьрԛи һәйә кӧ әм наве Хԝәде ча һьлдьдьн? Пебьһʹәсә ԝәки чьрʹа әм дькарьн бежьн, кӧ тʹәне навәки Хԝәде һәйә.

«Чьԛас Навед Хԝәде Һәнә?» (Готара жь малпәре)