Наве Хwәдейи шәхси ньвисар ә бь һʹәрфед Ибранийә кәвьн у әw гәләк щар дь манускриптед Кʹьтеба Пирозә кәвьнда те дитьне
ЛЬ ГОР КʹЬТЕБА ПИРОЗ
Наве Хwәде
Бь милйона мәрьв дәwса наве Хwәде щурʹә-щурʹә сәрнав дьдьнә хәбате. Мәсәлә сәрнавед öса ча Хöдан, Йе Һәри Зор, Аллаһ, йан Хwәде. Ле бь рʹасти наве Хwәдейи шәхси һәйә. Гәло ле әʹсәйи йә наве wи бьдьнә хәбате?
Наве Хwәде чь йә?
ҺЬНӘ МӘРЬВ ЧЬ ДЬБЕЖЬН
Гәләк Мәсиһи баwәр дькьн кö наве Хwәде Иса йә. Йед дьн жи дьбежьн кö рʹаст ә Хwәдайе Һʹьмзор йәк ә, ле нә һʹәwщә йә наве wи бьдьнә хәбате. Һәнә йед öса жи, кö дьбежьн wәки нәбаш ә наве Хwәде бьдьнә хәбате.
КʹЬТЕБА ПИРОЗ ЧЬ ДЬБЕЖӘ
Наве Хwәдайе Һьмзор Иса нинә, чьмки Иса Хwәдайе Һьмзор нинә. Бь рʹасти Иса пәйчуйед хwә һин дькьр Хwәдерʹа öса дöа бькьн: «Баво, Наве тә пироз бә» (Луqа 11:2). Иса хwәха жи öса Хwәдерʹа дöа дькьр: «Баво, наве хwә бьльнд кә (Йуһәнна 12:28).
Дь Кʹьтеба Пирозда Хwәде дьбежә: «Әз Хöдан ьм [Йаһоwа, ДТʹ], наве мьн әw ә у әзе рʹумәта хwә нәдьм йәки дьн у пәсьне хwә нәдьм пʹутед qәwарти» (Ишайа 42:8). Наве «Йаһоwа» те һьлдане жь чар һәрфед Ибранийә ЙҺWҺ, кö те һʹәсабе наве Хwәде. Әв нав дь Ньвисаред Ибранида, йе кö öса жи ча Пәймана Кәвьн әʹйан ә, wәкә 7 000 щар те дитьне.a[5] Әв дьһа зедә те дитьне, нә кö һʹәму сәрнавед дьн ча «Хwәде», «Һьмзор», йан «Хöдан». Әв жь навед öса жи, ча Бьраһим, Муса у Даwьд, даһа гәләк щар те дитьне.
Тʹö щийа дь Кʹьтеба Пирозда Йаһоwа qәдәхә накә кö наве wи бь qәдьр бьдьнә хәбате. Ле дәwсе Ньвисаред Пироз әʹйан дькьн, wәки хьзмәткʹаред Хwәде бь сәрбәстийе әв нав дьданә хәбате. Әв нав öса жи хöйа дьбу һьнә навада йед кö де-бав зарʹед хwәрʹа дьдан. Мәсәлә наве Елйас, чь кö те һʹәсабе «Хwәдайе мьн Йаһоwа йә», у Зәкәрйа чь кö те һʹәсабе «Йаһоwа Кьрә Бира Хwә». Демәк әwана бь азайи әв нав хәбәрдана һәр рʹожида жи дьданә хәбате (Рутʹ 2:4).
Хwәде дьхwазә кö әм наве wи бьдьнә хәбате. Мәрʹа һатийә готьне «Жь Йаһоwа рʹази бьн, наве Wи һьлдьн» (Зәбур 105:1, ДТʹ). Һәла һе мәрьвед кö сәр «наве wи дьфькьрьн» бәр чʹәʹве Хwәде qәбул ьн (Малахи 3:16).
«Бьра мәрьв бьзаньбьн кö наве тә Йаһоwа йә, у ль сәр тʹәмамийа әʹрде йе Һери Жорьн тʹәне тö йи» (Зәбур 83:18, ДТʹ).
Чь те һʹәсабе наве Хwәде?
Һьнә зандар дьбежьн, wәки бь Ибрани наве Йаһоwа, те һʹәсабе «Әw Пек Тинә». Әв йәк әʹйан дькә кö Хwәде дькарә һьм хwә у һьм жи әʹфринед хwә бькә әw чь кö әw дьхwазә, сәва кö qьрара хwә бинә сери. Тʹәне Әʹфьрандаре һʹьмзор һежайи ви нави йә.
ӘВ ЧЬ ТЕ ҺʹӘСАБЕ БОНА ТӘ?
Занәбуна наве Хwәде wе ньһерʹандьна тә дәрһәqа wи бьгöһезә. Те бьвини кö чьqас һеса йә незики wи би. Һәмьки те чаwа бькарьби незики кәсәки би һәрге наве wи ньзани? Әв кö Хwәде наве хwә мәрʹа әʹйан кьрийә, дьдә кʹьфше, wәки әw дьхwазә кö тö незики wи би (Аqуб 4:8).
Тö дькари баwәр би, кö Йаһоwа wе тʹьме ль гора наве хwә бькә, чьмки әw һәйә Хwәдайе кö тʹьме созед хwә пек тинә. Ләма жи Кʹьтеба Пироз дьбежә «кәсед кö Наве тә нас дькьн, ль тә әwлә нә» (Зәбур 9:10). Чахе тö пебьһʹәси кö наве Йаһоwа хәйсәтед wива гьредайи йә, мәсәлә һʹьзкьрьн, дьлрʹәми, мәрʹдани у һәqи, һьнге итʹбарийа тә һьндава wида wе һе мәзьн бә (Дәркʹәтьн 34:5-7). Бь рʹасти жи ча дьлрʹьһʹәт дькә занәбуна wе йәке, кö Йаһоwа wе тʹьме хwәйе созе хwә бә, у әwе тʹö щар мьqабьли хәйсәтед хwә wе тьштәк нәкә.
Qәдьрәки пʹьрʹ мәзьн ә наве Хwәдейи Һʹьмзор бьзаньбьн. Әв йәк дькарә мәщале тәрʹа бьдә кö чаwа ньһа öса жи ль ахьрийе, кʹәрәмед һәрһәйи бьстини. Хwәде соз дьдә: «Әзе пьштоване wи бьм, чьмки наве Мьн нас дькә» (Зәбур 91:14).
«Һәр ки банги наве Хöдан бькә wе хәлас бьбә» (Йоwел 2:32).
Наве Хwәде сәр щурʹә-щурʹә зьмана
a Гәләк wәлгәрʹед Кʹьтеба Пироз дь wәлгәрʹандьнед хwәда, наве Хwәде бәрдан у дәwсе бь һәрфед мәзьн ньвисин «ХÖДАН». Ле wәлгәрʹед дьн наве Хwәде һьнә рʹез у әʹламәтийед бьжартида тʹәне ньвисин. Ле Кʹьтеба Пирозә «Wәлгәрʹандьна Дьнйа Тʹәзә», гәләк щар нава текста ве кʹьтебеда әв нав те хәбьтандьне.