Гәло Нета Жийине Чь йә?

Щаба Кʹьтеба Пироз

Пьрсед нет-мәрәма жийинева гьредайи щурʹә-щурʹә нә. Мәсәлә әз чьрʹа дьжим? Гәло нета жийина мьн һәйә? Кʹьтеба Пироз мәрʹа әʹйан дькә, ԝәки нета жийине әԝ ә, кӧ достийа незик тʹәви Хԝәде саз кьн. Вьра чәнд рʹастийед жь Кʹьтеба Пироз һатьнә дайине.

• Хԝәде Әʹфьрандаре мә йә. Кʹьтеба Пирозда те готьне: «Бьзаньбьн кӧ Хӧдан ә Хԝәде, Әԝи әм хӧльԛандьн» (Зәбур 100:3; Әʹйанти 4:11).

• Хԝәде нет данийә бона һʹәму әʹфринед хԝә, ӧса жи бона мә (Ишайа 45:18).

• Хԝәде бь һʹәԝщед рʹӧһʹани әм әʹфьрандьне, ӧса жи бь һʹәԝще ԝе йәке, ԝәки нета жийине бьвиньн (Мәтта 5:3). У Әԝ дьхԝазә, ԝәки әм ԝан һʹәԝщед хԝәйә рʹӧһʹани рʹази кьн (Зәбур 145:16).

• Әм һʹәԝщед хԝәйә рʹӧһʹани рʹази дькьн, гава һәләԛәти у достийа хԝә тʹәви Хԝәде ԛәԝи дькьн. Һьнә мәрьварʹа дькарә бе кʹьфше, кӧ нәреали йә тʹәви Хԝәде достийе бькьн. Ле Кʹьтеба Пироз мә һелан дькә: «Хԝә ль Хԝәде бьгьрьн, Хԝәде жи ԝе хԝә ль ԝә бьгьрә» (Аԛуб 4:8; 2:23).

• Сәва кӧ бьбьнә досте Хԝәде әм гәрәке ль гора ԛьрара ԝи бьжин. Кʹьтеба Ԝаиз сәре 12, рʹеза 13-да те готьне, ԝәки мәрьв гәрәке жь Хԝәде бьтьрсә у тʹәмийед ԝи әʹмьре хԝәда бьԛәдинә, чьмки әԝ ә нета жийина мәрьв.

• Зутьрәке ԛьрара Хԝәде бона инсанәте ԝе бь тʹәмами бе сери у Хԝәде ԝе һʹәму кӧл-дәрден достед хԝәйә амьн бьдә һьлдане, у жийина һʹәта-һʹәтайе бьдә ԝан (Зәбур 37:10, 11).