Кʹьтеба Пироз у Ахьрийа Тә

БЬДӘ БӘР ЧʹӘʹВЕ ХWӘ, кö тö шәв, тәрʹийеда рʹе дьчи. Тö натьрси кö öндаби, чьмки дәсте тәда фәнәр ә. Чахе тö әве фәнәре бәржер дьки, зәлал дьвини тьштед дәр-дора хwә. Ле чахе тö фәнәр пешийа хwә дьгьри, шәwqа лусе тәрʹа зәлал дькә рʹийа кö пешийа тә йә.

Әм дькарьн бежьн, wәки Кʹьтеба Пироз жи wәк фәнәр ә. Чаwа мә ида дит, Хәбәра Хwәде дькарә али мә бькә, кö бькарьбьн дәрбера дәрбаз кьн тьштед кö пешийа мә нә. Мәсәлә проблемед һәр рʹожи, йед кö ве дьнйа тәʹрида, рʹасти мә тен. Ле Кʹьтеба Пироз һе зедә дькә. Демәк әв ахьрийе мәрʹа зәлал дькә. Әw öса жи али мә дькә бьвиньн рʹийа кö дьбә бәрбь бәхтәwарийа һәрһәйи у ләзәте (Зәбур 119:105). Чь щурʹәйи?

Wәрен әм шеwьр кьн дö дәрәща, кʹидәре кö Кʹьтеба Пироз һевийа керһати дьдә бона ахьрийе: 1 Әв али мә дькә нета жийине бьвиньн, у 2 мә һин дькә, кö чаwа достийа һәрһәйи тʹәви Әʹфьрандаре хwә чекьн.

1 НЕТА ЖИЙИНЕ

Кʹьтеба Пироз ширәтед лазьм дьдә, кö әм бькарьбьн проблемед хwәда тәйах кьн. Әв кʹьтеб һе зедә дькә. Дәwса кö мә һелан кә тʹәне дина хwә бьдьнә проблем у хәмгинийа хwә, әw кʹьтеб мә һин дькә, кö бона мәрьвед дьн хәм бькьн. Тʹәне wи чахи нета жийина мә бь рʹасти wе һәбә.

Һәла дина хwә бьдә ве принсипа жь Кʹьтеба Пироз: «Хwәзи ль дайийа, нә кö ль стандийа» (Кʹаред Шандийа 20:35). Дькари бьки бира хwә әw wәʹдә, чахе тö алийе материалида али мәрьве дәстәнг кьр? Йан дьбә кö, тә бь дьл гöһ да һәвале хwә, чахе әw дьле хwә тәрʹа вәдькьр? Йан дькари бьки бира хwә шабуна кö тә станд, чахе али кәсәк кьр шабуна хwә öнда нәкә?

Әм бь рʹасти жи шабунәкә мәзьн дьстиньн, чахе тьштәки дьдьнә кәсәк у дәwсе һивийе ньньн, кö әw мәрʹа тьштәк бькьн. Ньвискʹарәк гот: «Бь рʹасти чахе тö хwә дьди кö тьштәки сәва кәсәки бьки, дәwсе жь ве һе зедә дьстини; бь дайине тö һивийе нини хәлате бьстини». Бәле чахе әм аликʹарийе дьдьнә кәсәки, хут wан мәрийарʹа мәщала кʹижана кö тʹöнә йә дәwсе тьштәк бона тә бькьн, һьнге әм хәлатәкә баш дьстиньн. Öса әм рʹастә-рʹаст тʹәви Әʹфьрандар һәвкʹарийе дькьн. У Хwәде сәр кьред мәйә qәнщ дьньһерʹә ча сәр дәйна, кö әм wирʹа вәдьгәрʹиньн (Мәтʹәлок 19:17). Әw гәләк qимәт дькә чахе әм аликʹарийе дьдьнә бәләнгаза у шкәстийа. Әw соз дьдә мә хәлат кә бь жийина һәрһәйи ль сәр әʹрде щьнәте. Әв бь рʹасти жи һевийа пʹьрʹ баш ә бона ахьрийе! (Зәбур 37:29; Луqа 14:12-14).a

Хенщи wе йәке, Кʹьтеба Пироз дьбежә, кö әм дькарьн нета жийине бьвиньн, һәрге Хwәдайе рʹаст, демәк Йаһоwа бьһʹәбиньн. Хәбәра wи мә һелан дькә пәсна, рʹумәте бьдьнә wи, у гöрʹа wида бьн (Wаиз 12:13; Әʹйанти 4:11). Чахе әм öса дькьн, әм тьштәкә баш qәзанч дькьн: Демәк qәбулкьрьна Әʹфьрандар. Әw мәрʹа дьбежә: «Сәрwахт бә у дьле мьн ша кә» (Мәтʹәлок 27:11, ДТʹ). Һәла бьфькьрьн, чахе әм бь сәрwахтийе, ль сәр һʹиме Кʹьтеба Пироз тьштәки сафи дькьн, öса әм дьле Баве хwәйи әʹзмана ша дькьн. Чьма? Чьмки әw бона мә хәм дькә у дьхwазә кö әм жь рʹебәрийа wи кʹаре бьстиньн (Ишайа 48:17, 18). Бь рʹасти жи нетәкә чьqас баш дькарә щәм мә һәбә, кö бьһʹәбиньн Әʹфьрандаре гәрдуне у бьжин öса, кö wи хwәш бен.

2 ДОСТИЙА ТʹӘВИ ӘʹФЬРАНДАРЕ МӘ

Кʹьтеба Пироз öса жи мә һин дькә, wәки достийа хwә тʹәви Әʹфьрандар чекьн. Ньвисаре Пироз дьбежә: «Хwә ль Хwәде бьгьрьн, Хwәде жи wе хwә ль wә бьгьрә» (Аqуб 4:8). Щарна дьбә кö әм дöдьли дьбьн у дьфькьрьн wәки әме нькарьбьн бьбьнә досте Әʹфьрандаре Һʹьмзор. Ле Кʹьтеба Пироз мә дьдә баwәркьрьне, кö һәрге Хwәде «бьгәрʹьн», әме wи «бьбиньн», чьмки «Хwәде жь мә һәр кәси нә дур ә» (Кʹаред Шандийа 17:27). Чаwа те кʹьфше, Кʹьтеба Пироз мә һелан дькә бьбьнә достед Хwәде, у әв ахьрийа пʹьрʹ баш мәрʹа вәдькә. Гәло чь щурʹәйи?

Wәрен кʹур бьфькьрьн: Чь жи әм бькьн, тʹö кәс жь мә нькарә жь дьжмьне гәләк хоф хwә хьлаз кә. Әв дьжмьн мьрьн ә (1 Корьнтʹи 15:26). Дәстпек у хьлазийа Хwәде тʹöнә. Әw Хwәдайе һәрһәйи йә у дьхwазә, кö достед wи жи һәрһәйи бьжин. Бь гьлийед бәдәw Кʹьтеба Пироз нета Йаһоwа һьндава инсанәтеда öса әʹйан дькә: «Дьле wә бьра бьжи һʹәта-һʹәтайе» (Зәбур 22:26).

Ле чаwа тö дькари һәвалтийа һәрһәйи тʹәви Хwәде qәзанч ки? Бәрдәwам кә дәрһәqа Wи пебьһʹәсә жь рʹупʹелед Кʹьтеба Пироз (Йуһʹәнна 17:3; 2 Тимотʹейо 3:16). Аликʹарийа wи бьгәрʹә, кö бькарьби Ньвисаред Пироз фәʹм бьки. Кʹьтеба Пироз мә дьдә баwәркьрьне, кö һәрге әм бь дьл у щан «һиви жь Хwәде» бькьн, кö сәрwахтийе бьдә мә, әwе әʹсәйи бьдәb (Аqуб 1:5). Паше жи бьхәбьтә кö бьди хәбате тьштед кö һин дьби. Бьра Хәбәра Хwәде мәрʹа бьбә «чʹьра» бона гавед мә у «рʹонайа» рʹийа мә, чаwа иро öса жи һʹәта-һʹәтайе (Зәбур 119:105).