Тӧ Гәрәке Чь Бьки, ԝәки Һʹәта-Һʹәтайе Бьжийи?

Щаба Кʹьтеба Пироз

Кʹьтеба Пироз соз дьдә: «Әԝе кӧ әʹмьре Хԝәде дьԛәдинә ԝе һʹәта-һʹәтайе бьминә» (1 Йуһʹәнна 2:17). Ча тӧ дькари ԛьрара Хԝәде бини сери?

• Хԝәде у Кӧрʹе ԝи Иса нас кә. Дӧайе хԝәда Иса готә Хԝәде: «Әв ә жийина һʹәта-һʹәтайе, ԝәки әԝ тә нас кьн, чаԝа Хԝәдейе рʹасти бешьрики-беһәвал у ӧса жи Иса Мәсиһе кӧ тә шандийә» (Йуһʹәнна 17:3). Әм чь щурʹә дькарьн Хԝәде у Иса «нас кьн»? Лазьм ә Кʹьтеба Пироз һин бьн у чь кӧ ве да ньвисар ә биньн сери.a Кʹьтеба Пироз фькьред Әʹфьрандаре мә, Йаһоԝа Хԝәде, мәрʹа әʹйан дькә (Кʹаред Шандийа 17:24, 25). Ӧса жи Кʹьтеба Пирозда те готьне дәрһәԛа Кӧрʹе ԝи, Иса Мәсиһ, йе кӧ «готьнед жийина һʹәта-һʹәтайе» һин дькьр (Йуһʹәнна 6:67-69).

• Баԝәрийа хԝә ԛӧрбанбуна Иса бинә. Иса һатә сәр әʹрде, ԝәки «бәрдәстийе бькә у әʹмьре хԝә бьдә, кӧ гәләка бькʹьрʹә» (Мәтта 20:28). Ԛӧрбанбуна Иса мәщал да инсанәте, ԝәки сәр әʹрде Щьнәте һʹәта-һʹәтайе бьжин (Зәбур 37:29).b Иса гот: «Хԝәде ӧса дьнйа һʹьз кьр, кӧ Кӧрʹе хԝәйи тайе тʹәне бәрва да, ԝәки һәр кәсе кӧ ԝи баԝәр бькә ӧнда нәбә, ле жийина ԝийә һʹәта-һʹәтайе һәбә» (Йуһʹәнна 3:16). Әме бь ԝе йәке баԝәрийа хԝә һьндава Иса бьдьнә кʹьфше, һәрге һинкьрьнед ԝи әʹмьре хԝәда биньн сери у ԛьрара Баве ԝи бьԛәдиньн (Мәтта 7:21; Аԛуб 2:17).

• Тʹәви Хԝәде һәләԛәтийа незик саз кә. Хԝәде мә тʹәглиф дькә кӧ бьбьнә досте ԝи (Аԛуб 2:23; 4:8). Хԝәде һәрһәйи йә. Мьрьне тʹӧ щар сәр ԝи һʹӧкӧм нәкә, әԝ дьхԝазә ԝәки достед ԝи жи һәрһәйи бьжин у тʹӧ щар нәмьрьн. Бь сайа Кʹьтеба Пироз әԝ достед хԝәрʹа дьбежә: «Дьле ԝә бьра бьжи һʹәта-һʹәтайе!» (Зәбур 22:26).

Ньһерʹандьна Нәрʹаст Дәрһәԛа Әʹмьре Һʹәта-Һʹәтайе

Ньһерʹандьна нәрʹаст: Әʹмьре һʹәта-һʹәтайе ԝе һʹәԝас нибә.

Избати: Әʹмьре һʹәта-һʹәтайе пʹешкʹеша Хԝәде йә, әԝ мә һʹьз дькә у дьхԝазә, ԝәки әм бәхтәԝар бьн (Аԛуб 1:17; 1 Йуһʹәнна 4:8). Хԝәде занә, сәва кӧ мәрьв бәхтәԝар бә, әԝ гәрәке шьхӧле һʹәԝасва мьжул бә (Ԝаиз 3:12). Хԝәде соз дьдә, ԝәки дьнйа тʹәзәда щәм һәр кәса ԝе хәбата һʹәԝас һәбә, йа кӧ ԝе кʹаре бьдә ԝан у мәрьвед ԝанә һʹьзкьри (Ишайа 65:22, 23).

Хенщи ве йәке, мәрьв ԝе һәр рʹож тьштед тʹәзә дәрһәԛа Әʹфьрандаре хԝә у әʹфринед ԝи пебьһʹәсьн. Хԝәде хԝәстьна һәр-һәйи бьжин кьрийә дьле мәрьва, у хԝәстьна кӧ һе зедә дәрһәԛа ԝи пебьһʹәсьн. Ле диса жи «мьров нькарә жь дәстпеке һʹәта даԝийе кʹаре кӧ Хԝәде чекьрийә бьбинә у дәрхинә» (Ԝаиз 3:10, 11). Ләма жи щәм ԝан мәрьва йед кӧ ԝе һʹәта-һʹәтайе бьжин, ԝе тʹьме мәщал һәбә тьштед тʹәзә пебьһʹәсьн у шьхӧлед һʹәԝасва мьжул бьн.