Чь Щурʹә Иса Хьлазкʹаре Мә йә?

Щаба Кʹьтеба Пироз

Иса әʹмьре хԝә кьрә ԛӧрбан у бь ве йәке рʹе мәрьвед амьнрʹа вәкьр, кӧ жийина һʹәта-һʹәтайе бьстиньн (Мәтта 20:28). Ләма жи Кʹьтеба Пирозда те готьне, кӧ Иса «Хьлазкьре дьнйайе» йә (1 Йуһʹәнна 4:14). Әв ӧса жи дьбежә: «Бь кәсәки майин хьлазбун тʹӧнә, чьмки бьн пʹәрʹе әʹзменда навәки дьн мәрьварʹа нәһатийә дайине, кӧ әм бькарьбьн бь ԝи хьлаз бьн» (Кʹаред Шандийа 4:12).

Иса бона һәр кәсед кӧ баԝәрийа хԝә ԝи тиньн, әʹмьре хԝә да (Ибрани 2:9; Йуһʹәнна 3:16). Паше: «Хԝәде әԝ жь мьрьне рʹакьр», у Иса ча кәсе рʹӧһʹани вәгәрʹийа сәр әʹзмана (Кʹаред Шандийа 3:15). Жь әʹзмен Иса ԝе «ԝан хьлаз кә, йед кӧ бь дәсте ԝи незики Хԝәде дьбьн, чьмки әԝ тʹьме сах ә, кӧ бона ԝан лава-навчетийе бькә» (Ибрани 7:25).

Чьма әм һʹәԝщә нә, ԝәки Иса бона мә лава-навчетийе бькә?

Һәр кәс жь мә гӧнәкʹар ә (Рʹомайи 3:23). Гӧнә синор дани ортʹа мә у Хԝәде, у әв мәрьва бәрбь мьрьне дьбә (Рʹомайи 6:23). Ле Иса бу «пьштгьре» ԝан, йед кӧ баԝәрийа хԝә ԝи тиньн (1 Йуһʹәнна 2:1). Әԝ бәр Хԝәде лава дькә, ԝәки дӧайе мә бьбьһе, у сәр һʹиме ԛӧрбанбуна ԝи гӧне мә бьбахшинә (Мәтта 1:21; Рʹомайи 8:34). Әв лавайед Иса ль гора ԛьрара Баве ԝи бун, ләма жи Йаһоԝа әв ԛәбул кьрьн. Хԝәде Иса шандә сәр әʹрде «ԝәки дьнйа пе ԝи хьлаз бә» (Йуһʹәнна 3:17).

Гәло тʹәне баԝәрийа һьндава Иса дькарә мә хьлаз кә?

На. Һәмьки, сәва кӧ хьлаз бьн, лазьм ә баԝәрийа хԝә Иса биньн, ле хенщи ве йәке диса дәʹԝакьрьн һәнә (Кʹаред Шандийа 16:30, 31). Кʹьтеба Пирозда те готьне: «Чаԝа ԛальб бе рʹӧһʹ мьри йә, ӧса жи баԝәри бейи кьра мьри йә» (Аԛуб 2:26). Сәва кӧ хьлаз бьн лазьм ә:

• Иса у Баве ԝи Йаһоԝа, нас кьн (Йуһʹәнна 17:3).

• Баԝәрийа хԝә һьндава ԝан ԛәԝи кьн (Йуһʹәнна 12:44; 14:1).

• Пе ԛанун у принсипед Хԝәде бьжин (Луԛа 6:46; 1 Йуһʹәнна 2:17). Иса дьгот, ԝәки нә һәр кәсед кӧ ԝирʹа бежьн «Хӧдан» ԝе хьлаз бьн, ле тʹәне «йе кӧ әʹмьре Баве [ԝийи] Әʹзмана дьԛәдинә» (Мәтта 7:21).

• Чәтьнайада жи баԝәрийа хԝә хԝәй кьн. Чьмки Иса гот: «Кʹи кӧ һʹәта хьлазийе тәйах кә, әԝе хьлаз бә» (Мәтта 24:13).