Һун Иса Мәсиһ Баԝәр Дькьн?

Әм сәре хԝә бәр Иса данайньн, чьмки әм ԝи һʹәсаб накьн чаԝа Хԝәдайе Һьмзор. Ле әм Иса баԝәр дькьн. Әԝи гот: «Әз ьм, рʹе, рʹасти у жийин. Тʹәне пе мьн йәк дькарә бе щәм Баве» (Йуһʹәнна 14:6). Әм баԝәр дькьн кӧ Иса жь әʹзмен һатә ль сәр әʹрде у әʹмьре хԝәйә ԛәданди кьрә ԛӧрбан (Мәтта 20:28). Мьрьн у сахкьрьна ԝи, мәщале дьдә ԝан мәрийа йед кӧ ԝи баԝәр дькьн, ԝәки жийина һʹәта-һʹәтайе бьстиньн (Йуһʹәнна 3:16). Әм ӧса жи баԝәр дькьн кӧ Иса ньһа чаԝа Пʹадша, дь Пʹадшатийа Хԝәдейә әʹзманда пʹадшатийе дькә. У әв Пʹадшати, зутьрәке ль сәр тʹәмамийа әʹрде ԝе әʹдьлайи бинә (Әʹйанти 11:15). Хенщи ԝе йәке, әм һьлдьдьн һʹәсаб гьлийе Иса: «Бав сәр мьнрʹа йә» (Йуһʹәнна 14:28).