Гәло Шәʹдед Йаһоԝа Мәсиһи нә?

Бәле. Әм Мәсиһи нә у бона ве йәке чәнд мәʹни һәнә:

• Әм дьхәбьтьн кӧ рʹастә-рʹаст хԝә ль һинкьрьнед Иса бьгьрьн, у ӧса бьжин чаԝа кӧ әԝ дьжит (1 Пәтрус 2:21).

• Әм баԝәр дькьн кӧ хьлазкьрьн жь Иса те, у кӧ «бьн пʹәрʹе әʹзменда навәки дьн мәрьварʹа нәһатийә дайине, кӧ әм бькарьбьн бь ԝи хьлаз бьн» (Кʹаред Шандийа 4:12).

• Чахе мәрьв дьбьнә Шәʹдед Йаһоԝа, әԝана бь наве Иса тенә ньхӧмандьне (Мәтта 28:18, 19).

• Әм бь наве Иса дӧа дькьн (Йуһʹәнна 15:16).

• Әм баԝәр дькьн кӧ Иса йә Сәре кʹьфшкьри, демәк сәр һʹәму мәрьварʹа сәрԝер ә (1 Корьнтʹи 11:3).

Хенщи ве йәке, әм һьнә тьштада щӧда дьбьн жь ԝан кʹомед религийа, кʹижан кӧ хԝә Мәсиһи нав дькьн. Мәсәлә, Кʹьтеба Пироз һин дькә, кӧ Иса Кӧрʹе Хԝәде йә, нә кӧ пʹарәк жь сейәканә, у әм баԝәрийа хԝә әве йәке тиньн (Марԛос 12:29). Әм баԝәр накьн кӧ нәфс нәмьри йә. Әм ӧса жи баԝәр накьн кӧ щәʹньм һәйә, чьмки Кʹьтеба Пирозда ԛә тьштәк жи бона ве йәке найе готьне, кӧ Хԝәде мәрьва һʹәта-һʹәтайе дьчәрчьринә. Хенщи ве йәке, әм һʹәсаб накьн, кӧ шьхӧлед сәрԝеред религийайе у сәрнавед ԝан, жь мәрьвед дьн ԝана бьльнд дькә (Ԝаиз 9:5; Һәзәԛел 18:4; Мәтта 23:8-10).