Сәрһатийед Кʹьтеба Пироз
СӘРҺАТИЙЕД ве кʹьтебе чʹирʹок ниньн, әԝ рʹасти ԛәԝьмин. Әв сәрһати һатьнә һьлдане жь Кʹьтеба Пироз, йа кӧ кʹьтебәкә гәлә навдар у жь һʹәмушка мәзьнтьр ә. Жь ван сәрһатийа әм тʹәрихийа дьнйайе педьһʹәсьн, дәстпебуйи жь әʹфьрандьна дьнйайе, һʹәта рʹожа иро. Әԝана ӧса жи гьли дькьн, кӧ Хԝәде дь ахьрийеда ԝе чь бькә.
Әв кʹьтеба кӧ ньһа дь дәсте тәда нә, мәрийа насийа Кʹьтеба Пироз дькә. Сәрһатийед ве кʹьтебе гьли дькьн, дәрһәԛа жийина мәрийа у шьхӧлед ԝан. Әв сәрһати жь Кʹьтеба Пироз һатьнә һьлдане. Әв кʹьтеб ӧса жи дина мә дьдә ль сәр гӧмана жийина һʹәта-һʹәтайе дь щьнәтеда, йе кӧ Хԝәде ԝе бьдә мәрийа.
Дь тʹәмамийа кʹьтебеда 116 сәрһати һәнә. Әв кʹьтеб ль сәр һʹәйшт кӧдора һатә пʹаравәкьрьне. Дь һәр пʹарәкида ль сәр бәлге пешьн кьн те шьроԝәкьрьне, дь ван сәрһатийада дәрһәԛа чь ԝе бе готьне. Сәрһатийед ве кʹьтебе ӧса ньвисинә, ԝәки али мә бькьн пебьһʹәсьн, чь паши чь ԛәԝьми.
Әв сәрһати пе зьмане һеса һатьнә ньвисаре. Һун зарʹно, һеса бькарьбьн ве кʹьтебе хԝәха бьхуньн. Де у бавно, һәрге һун ве кʹьтебе зарʹед хԝәйе бьчʹукрʹа һәр гав бьхуньн, һуне тʹәхмин кьн, кӧ әв сәрһати зарʹед ԝәрʹа гәлә һʹәԝас ьн. Дина хԝә бьдьне, кӧ әв кʹьтеб һьн сәва щаһьла, һьн жи сәва мәзьна гәләк кʹар ә.
Хьлазийа һәр сәрһатийа, һʹәрфе ньвисар жь Кʹьтеба Пироз ньвисинә. Әм ԝә дьл дькьн, ԝәки һәр гав бьхуньн ԝан һʹәрфа, ль сәр һиме кʹижани әв сәрһати һатьнә ньвисаре.